漁米之鄉 (已搬遷) 新店位置

漁米之鄉茶餐廳我同老公經常光顧,原因係想晚餐叫餸食飯,感覺係正常飯餐,加上它較近,但係老實說水準一般,有時部分餸菜可以說是難食,我地通常叫d自己難煮o既但又入得口o既菜,例如菠蘿咕嚕肉咁,不過一菜一餸,兩飯都要百多元,都唔咪平!如果你叫抄野,就要等好耐!近日更加覺得服務都好差,我同老公去尼度食早餐,要搭枱,有個好似叫亞青o既侍應,幫同枱o既人寫野,跟住我哋叫佢寫野,佢就話等等,然後我地叫另外o的侍應寫野,佢又話要等等,我老公就話咁等你都要返黎寫野先得啦,尼個疑似叫亞青o既侍應剛剛返黎,就大大聲話,我都已經好快啦,跟住走左去,仲要走住話,慢慢等啦你!佢突登唔落單,真係好離譜!當時我哋想投訴,竟然無人理所以尼間野我地會硬住頭皮以後唔會幫襯,因為水準麻麻,仲要態度惡劣,你話係咪一無是處吖!