影片
更多
2009-08-12
24 瀏覽
星期日一行三人初試呢間餐廳,坐落剔左d串燒,刺身,卷物,炒雜菜...開波,逐樣評!1.) 串燒: 一串五至六舊肉,有醬汁o既都尚可; 聲稱係鹽燒o既,無鹽好淡不特止,仲要大約得1/3係無燒燶2.) 刺身, 得三文魚同甜蝦食得下, 碟八爪魚腳似俾水浸到甩晒色,見到唔開胃, 食落有怪味!3.) 卷物, 不知所謂! 唔該唔好話自己係日本野囉! d米唔係日本米不在話下, 仲要連壽司醋都無落! 不如我去叫個白飯扒入口好過啦! 無叫過蛋卷同蟹柳卷就黎左六件,叫左個芒果蝦卷,有一粒疑似炸蝦喺裡面, 但點搵都搵唔到芒果囉! 呑拿魚蓉卷,完全無味可言,結果黎左18件,我地都食左13件,剩番5件...4.)炒雜菜, 咸到升天...5.)任飲飲料, 除左汽水啤酒之外,全部都溝水溝到淡晒,建議飲水好過!本來出黎食飯,食呢d百幾蚊任食日本放題,都預左d野唔會有幾好食,總之食得開心坐得舒服唔好食到肚柯就算,點知呢度唔單止食物唔掂, d服務更加唔掂! 有D侍應行開行埋都喺背後話d客麻煩,又話人催佢地, 又Li又路, 我覺得佢地做服務性行業, 咁o既心態做野,十分唔專業,不如轉行啦!(如果你地咁都轉到o既話!)伙記咁
1.) 串燒: 一串五至六舊肉,有醬汁o既都尚可; 聲稱係鹽燒o既,無鹽好淡不特止,仲要大約得1/3係無燒燶
2.) 刺身, 得三文魚同甜蝦食得下, 碟八爪魚腳似俾水浸到甩晒色,見到唔開胃, 食落有怪味!
3.) 卷物, 不知所謂! 唔該唔好話自己係日本野囉! d米唔係日本米不在話下, 仲要連壽司醋都無落! 不如我去叫個白飯扒入口好過啦! 無叫過蛋卷同蟹柳卷就黎左六件,叫左個芒果蝦卷,有一粒疑似炸蝦喺裡面, 但點搵都搵唔到芒果囉! 呑拿魚蓉卷,完全無味可言,結果黎左18件,我地都食左13件,剩番5件...
4.)炒雜菜, 咸到升天...
5.)任飲飲料, 除左汽水啤酒之外,全部都溝水溝到淡晒,建議飲水好過!
本來出黎食飯,食呢d百幾蚊任食日本放題,都預左d野唔會有幾好食,總之食得開心坐得舒服唔好食到肚柯就算,點知呢度唔單止食物唔掂, d服務更加唔掂! 有D侍應行開行埋都喺背後話d客麻煩,又話人催佢地, 又Li又路, 我覺得佢地做服務性行業, 咁o既心態做野,十分唔專業,不如轉行啦!(如果你地咁都轉到o既話!)
伙記咁態度,都尚可以理解,因為佢地有個更不該o既老闆! 著到成個厨司咁款,高高地o既四眼老闆,以為自己喺屋企教仔牙!? 上文提到我地食剩左五件好難食卷物同埋d浸到變色o既八爪魚腳...我地見d野食咁唔對路,拿拿聲叫返d食得下o既三文魚同甜蝦刺身各9件(即係講緊每人6塊刺身啫...)呢個老闆居然教訓口吻話我地食剩晒果d卷物同八爪魚腳好浪費,話唔會同我地落咁多刺身住,只會每樣俾3塊我地先...呢個時候,我d火都開始黎, 呢個係咩野道理? 厨司整果d野難食, 做乜個客有義務要食晒佢o既咩? 我地如實咁話返俾呢個老闆聽d食物有咩問題之後, ok, 佢跟住黎左3塊三文魚同3塊甜蝦, 算, 我忍你...食晒, 我地再叫6件三文魚,6件甜蝦, 佢老闆佢今次又黎每樣3件...我地叫個waiter過黎問點解又係得每樣3件, 然後個老闆仲要爭住走埋黎好串咁話: 頭先你地話我地d刺身有問題, 所以我地黎住3件先,費事我地食剩d野...我要爆嘞!!! 我只有好大聲咁同個老闆講,就係佢其他食物唔好食, 我地之前又食過三文魚同甜蝦覺得還可以,先至再order多每款6件,宜家黎3件算係咩野意思!?之後呢個老闆見我發惡嘞,先至話"okok, 咁你食完呢3件, 你再寫紙,我地俾埋果6件你", 真係唔發火都唔得! 做乜要我地嘥多張紙寫多次落order呀?宜家擺明係佢地玩野黎唔足d野啦! 呢個所謂老闆究竟諗乜o既呢?係咪前世未俾人鬧過,今世要到處點著d火頭呢?
我做左30年人都未去過一間咁離晒大嫂o既餐廳, 各位大把錢又想挑戰一下自己EQ o既朋友, 不妨去體驗下啦! 點解食評無0分揀?我覺得1分都唔值囉呢度!!!
張貼