天下糧倉牛肉火鍋專門店

營業中

休息中

向來無肉不歡，一向喜愛打邊爐嘅我，今次搜羅到旺角呢座商廈任食火鍋放題。紙上任點任食嘅牛，有不同部位，我打邊爐最鍾意係封門柳，皆因牛味夠濃，有口感，打邊爐之選👍🏻仲有黑毛和牛．安格斯牛肩胛，肥牛，牛同油脂比例好平均，全部入口都唔靭。比較欣賞湯底「重慶翡翠綠麻辣鍋」愈滾愈麻，好惹味，幾乎連豉油都可以唔洗點。雪櫃提供大量不同款式蔬菜．丸類等...再加埋雪糕，簡直大滿足👍🏻平日出面叫碟牛肉打邊爐都二三百蚊，我地一行二人，食到滿枱都係，都只係百零蚊/位，認真抵食。