辣吧 (已結業)

最近天氣又涼番啲，就最適合就係食辣野暖下胃。今次同朋友行開尖沙咀，見到酒吧街竟然有間酒吧唔單止飲酒，仲有得食辣煲。呢個配搭咁得意就決定想去試吓。呢度除咗有得飲酒食野之外，仲有得睇波，好齊全！我同朋友帶咗個二人辣煲套餐，入邊包兩款海鮮，三款肉類，四款蔬菜同一款粉面。上菜之後會有店員幫你炒好配料，相當貼心。煲下會有蠟燭興着，成晚保持着熱辣辣嘅狀態🔥🔥海鮮我哋帶咗花甲同鮮蝦；花甲好大隻，冇沙。鮮蝦份量多肉類就嗌咗肥牛，黑豚肉同牛舌。比較推介係牛舌因為係厚切，兼爽口入味蔬菜類就嗌咗娃娃菜，萵筍，千頁豆腐同金菇。千頁豆腐索晒啲辣汁，好好味🤤粉麵類我哋就嗌咗土豆粉，賣相同口感方面似烏冬，都唔錯由於我同朋友都不勝酒量，所以就要咗菠蘿汁同蔓越莓汁，兩個都好清新！