小魚兒 (金馬大廈)

營業中

休息中

Item: 小魚兒 (金馬大廈)
Rating: 4
Author: love_feed

Little Fish (Kam Ma Building)

4.5

1228 食評

味道

環境

服務

衛生

抵食

50993

尖沙咀

$101-200

川菜 (四川) 京川滬火鍋雞煲少鹽少糖食店

1107

資訊:
餐廳:	小魚兒 (金馬大廈)

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

love_feed

等級3

尋晚有朋友生日, 一行7個人就相約左去食小魚兒, 因為見到佢有得食雞煲,烤魚同串燒, 一次過可以滿足晒三個願望.我地就叫左半隻雞煲 , 同揀左凌波魚(爆醬鳳梨香辣豆花)口味,兩款都揀左BB辣.雞煲一黎就好香, 有一大埋香菜鋪左係面, 入面重有大量洋蔥,雖然只係叫左半隻, 但都好大份量,而且雞肉好嫩滑入味,我地重叫左豬肉片, 肥牛,蔬菜拼盤,午餐肉,做配料每樣都好足料, 特別係個豬肉片同肥牛片相當出色, 肥瘦平均,色澤粉嫩,食得出係高檔肉質。而烤魚都非常大條, 凌波魚第一次試, 魚肉比平時食開既海鱸魚肉積更加厚身同結實, 而且油份比較重,相對魚骨都多, 食既時候要花少少時間去骨, 都唔會太大困難,問題不大.本身條魚上面已經有幾塊新鮮既菠蘿, 感覺好新奇既組合,但估唔到菠蘿放入去煮熱左後, 佢既酸甜味同炸魚既辣味係咁夾,而且煮林左既菠蘿一咬就溶係口, 感覺好得意.加上少少已經有既寬粉,煙煙un un 真係口感一流.我地重叫左幾款小食, 有炸魷魚, 炸豆腐,拍青瓜,燒茄子, 全部都好好食,我地另外重有叫野飲同啤酒,叫到全桌都係, 睇到都好開心, 我地準備左個蛋糕比朋友, 佢地係會收切餅費50

尋晚有朋友生日, 一行7個人就相約左去食小魚兒, 因為見到佢有得食雞煲,烤魚同串燒, 一次過可以滿足晒三個願望.我地就叫左半隻雞煲 , 同揀左凌波魚(爆醬鳳梨香辣豆花)口味,兩款都揀左BB辣.

雞煲一黎就好香, 有一大埋香菜鋪左係面, 入面重有大量洋蔥,雖然只係叫左半隻, 但都好大份量,而且雞肉好嫩滑入味,我地重叫左豬肉片, 肥牛,蔬菜拼盤,午餐肉,做配料每樣都好足料, 特別係個豬肉片同肥牛片相當出色, 肥瘦平均,色澤粉嫩,食得出係高檔肉質。

而烤魚都非常大條, 凌波魚第一次試, 魚肉比平時食開既海鱸魚肉積更加厚身同結實, 而且油份比較重,相對魚骨都多, 食既時候要花少少時間去骨, 都唔會太大困難,問題不大.本身條魚上面已經有幾塊新鮮既菠蘿, 感覺好新奇既組合,但估唔到菠蘿放入去煮熱左後, 佢既酸甜味同炸魚既辣味係咁夾,而且煮林左既菠蘿一咬就溶係口, 感覺好得意.加上少少已經有既寬粉,煙煙un un
真係口感一流.

我地重叫左幾款小食, 有炸魷魚, 炸豆腐,拍青瓜,燒茄子, 全部都好好食,我地另外重有叫野飲同啤酒,叫到全桌都係, 睇到都好開心, 我地準備左個蛋糕比朋友, 佢地係會收切餅費50蚊, 不過又無幫我地切餅,可能因為佢要趕住清場收工, 原來佢地收10點架, 我地8點先開始黎講係有少少趕囉,不過佢地都算幾好, 無開口趕我地, 我地都識做既,總結黎講, 野食係好食既,如果可以收晏少少會更好,經openrice 訂位係有9折既, 今晚平均每人都係350蚊, 食晒雞煲,烤魚同小食係非常抵,我會想約其他朋友再食既.