鮨樂 (MOSTown新港城中心(4期)) (已結業)

今日走咗去馬鞍山行街街，去到山長水遠當然要搵啲好嘢食啦，今次就見到一間叫鮨樂嘅日式餐廳，裝修好日式，有一個專業嘅壽司bar枱，睇到師傅喺度整嘢食，⚜️御膳豐洲壽司盛一共有九件壽司，每一件嘅味道都非常出眾。個人就比較鍾意食炙燒大拖羅壽司，肥美嘅油脂滲透左落啲飯度，超香。⚜️岩蠔(北海道)呢個蠔真係超大隻，成個手掌咁大超級肥美，而且超新鮮，有海水味，一啲都唔腥，入口順滑。⚜️鹽燒原條喜之次原條燒魚喜之次當然係首選，魚皮脆卜卜 ，因為佢嘅魚非常新鮮，普通就咁鹽燒，就已經將成個鮮味帶晒出嚟。加上佢嘅造型，睇落就好似一個活生生游緊水嘅魚，藝術感十足。⚜️鹽燒白鱔串燒白饍係我最鍾意食嘅，佢嘅魚肉真係好彈牙，燒到香脆嘅魚皮，加上鮮嫩嘅魚肉，鎖住一啲汁喺魚身嘅中，食落口感一流。⚜️鹿兒島和牛刺身第一次食和牛嘅刺身，牛肉好鮮甜，油花都好靚，不過感覺好似雪耐咗少少，肉質有啲偏乾，但整體都唔錯。