火山燒 (已結業)

今日係星期五，夜晚出街食飯梗係周圍都排長龍。嚟到火山燒都唔例外，不過好彩book咗位所以唔使點排隊。一坐低梗係睇吓Menu有咩嘢食。刺身都有好多種選擇，有11款揀，最好食既就係北寄貝同三文魚，好新鮮，厚薄切得岩岩好。嘩，估唔到仲有鯛魚食。再黎點下啲燒烤先，首先食左雞肉軟骨棒，配埋佢啲汁都ok既，不過佢個爐得一個位熱，有啲難控制。牛肩肉有呢啲火，燒到岩岩好，配埋個黑蒜蓉冷麵，好好味。食磯燒點少得燒生蠔，落左蒜蓉調味，唔腥既。其實仲有Shabu shabu，點左啲菜，個昆布湯底真係值得一試。呢間餐廳真係好多選擇，一次過滿足哂咁多願望！