野川拉麵の鮮鍋道場 (已結業)

貪心的人，如果想一次過又食日式放題，又食火鍋，呢度就滿足哂你兩個願望！火鍋配料除左生肉之外，其他都係自助，丸類、菜、麵、菇類等，都幾多選擇。自助區仲有甜品、飲品等，汽水、茶類、啤酒都係任飲！不過甜品既款很好少，味道都麻麻地！佢連梅酒、日本清酒都係任飲，我特別想推介個梅酒，好正！好易入口，好清甜既梅味！👍🏼淨係食火鍋就$118/$138，加多幾十蚊可以食埋日式放題，價錢視乎時段而定。咁呢個價錢又幾抵既！啲魚生都唔錯，幾新鮮，甜蝦都好甜。👍🏼火鍋肥牛就普通，啲蜆有沙，同埋啲蝦不太新鮮，有小小霉😕焗蠔好唔得，可以唔使叫，粒蠔超細粒，又好似焗完放左係度好而咁，乾哂！☹️羊架幾好食，唔穌，都幾多肉汁。炸物都ok，都炸得幾靚，炸芝士丸入面好多芝士！不過又係好似炸完放左一排，唔係好夠熱。卷物都ok~火焰芝士蝦反卷好食！其實都仲有好多其他野食既，不過食唔到咁多，無叫。我自己覺得火鍋+日式放題唔係好夾，都係食火鍋就火鍋，放題就放題。而家有小小兩頭唔到岸既感覺。