影片
更多
2009-08-24
14 瀏覽
一次生兩次熟~哈哈，真係著數Ｄ架！好耐無試過咁短時間再幫襯同一間食市，今次一行四人，因為其中有個聽我哋講e間日本料理放題ok，佢話要試下喎。我又真係無所謂喎，好食又唔怕再黎過喎，而且日本魚生唔洗會怕食肥，哈哈本來應該冇乜新野再寫，但係上一次其實重有其他野無食到，所以今次一於試埋佢先！哈哈坦白講呀！如果叫我下晝放午飯食日本野，我真係會唔考慮架！趕頭趕命，咪搞我！始終都係夜晚黑時間多，慢慢嘆，先至係人生一大樂事。而且食日本放題，先至合乎係大食一族經濟原則，哈哈上次認識左，魚生師傅，佢真係唔話得，今晚見佢一直忙過唔停，都仲係好有心機咁做刺身比我哋食呀！特別要提一下，佢哋嘅燒物真係用火燒架，唔係有Ｄ舖頭求其用油炸就算。值得一讚！之前見其有人寫佢哋Ｄ帶子唔新鮮，我就專登叫黎試下，睇下係唔係咁差，唔係姐，都幾喎，重有叫左炸生蠔，都幾新鮮喎。今次有四個人所以有四隻送嘅鮑魚，特別要提一提，改善左喎！今次鮑魚佢哋做得比較軟熟，比起上一次好好多！希望佢哋以後保持咁嘅水準啦！可憐嘅多春魚燒到你哋睇下，幾咁香口哈哈Ｄ青魚好肥呀！燒得啱啱好！仲有脆炸鱈魚柳，炸得唔錯喎！裏面Ｄ鱈魚柳仍應保
好耐無試過咁短時間再幫襯同一間食市，今次一行四人，因為其中有個聽我哋講e間日本料理放題ok，佢話要試下喎。
我又真係無所謂喎，好食又唔怕再黎過喎，而且日本魚生唔洗會怕食肥，哈哈
本來應該冇乜新野再寫，但係上一次其實重有其他野無食到，所以今次一於試埋佢先！哈哈
坦白講呀！如果叫我下晝放午飯食日本野，我真係會唔考慮架！趕頭趕命，咪搞我！
始終都係夜晚黑時間多，慢慢嘆，先至係人生一大樂事。
而且食日本放題，先至合乎係大食一族經濟原則，哈哈
上次認識左，魚生師傅[偉哥]，佢真係唔話得，今晚見佢一直忙過唔停，都仲係好有心機咁做刺身比我哋食呀！
特別要提一下，佢哋嘅燒物真係用火燒架，唔係有Ｄ舖頭求其用油炸就算。值得一讚！
之前見其有人寫佢哋Ｄ帶子唔新鮮，我就專登叫黎試下，睇下係唔係咁差，唔係姐，都幾喎，重有叫左炸生蠔，都幾新鮮喎。
今次有四個人所以有四隻送嘅鮑魚，特別要提一提，改善左喎！
今次鮑魚佢哋做得比較軟熟，比起上一次好好多！希望佢哋以後保持咁嘅水準啦！
可憐嘅多春魚燒到你哋睇下，幾咁香口哈哈
Ｄ青魚好肥呀！燒得啱啱好！
仲有脆炸鱈魚柳，炸得唔錯喎！裏面Ｄ鱈魚柳仍應保持軟滑，掌握時間非常好！
仲有新鮮帶子刺身，帶子屬於係淡口嘅海產，其實食佢最緊要係過一份軟滑嘅口感，如果要食佢一定要做食先，如果食左Ｄ比較濃味嘅刺身，咁帶子就立即會比下去！
所以以後食完帶子刺身唔好大大聲感講：（Ｄ帶子刺身無鮮味啦，會被人笑架！）
今次又有叫汁燒和牛串，今次佢哋燒得重好過上次，Ｄ番茄仔燒到剛剛好，咬落去好多汁同Ｄ和牛粒好夾，好好味
最後，又有我最鍾意食嘅紅豆綠茶雪糕，又一次滿載而歸~哈哈
每人208食到咁開心，都多得有人提意去食e間咋！
張貼
