新記煲仔雞粥 (已結業)

今日同埋一家大細同埋阿媽喺元朗辦年貨，買下買下又到食飯時間，呀仔想食粥阿媽想食小炒我又想食炒粉麵，咁點好呢，諗左一陣，就元朗新記啦！午飯時間唔算多人，食物種類都好多，入到去唔使諗，整返一個豬潤雞粥，一個豬潤肉片炒米，一個海蜇生腸。。。仲有一個。。薑蔥爆田雞！全部都係即叫即整嘅！等左一陣個生滾豬潤雞粥就到左啦，用咗貴妃雞煲既，好香黃油同雞味，仲落腐竹去煲，令到粥更綿！豬潤肉片炒米，黎到嘩左一聲，料仲多過米粉！薑蔥爆田雞好少地方有得食，應該用咗有兩隻田雞，即叫即炒夠鑊氣！喺元朗嘅話梗係支持下啲小店啦！