鼎豐雞煲泰國菜 (已結業)

同朋友聚會成日都好難諗食咩菜或者類型嘅餐廳，打邊爐／雞煲／西日韓泰咁多都要啲時間諗，呢間翻新咗嘅鼎豐雞煲泰國菜就有齊泰國菜同雞煲，食完雞煲再打邊爐再食泰國菜，勁豐富。呢度仲有個牌寫住每日時令嘅海鮮，可以食得新鮮啲刁鑽啲。泰式特色雞煲（半隻）呢度有幾款唔同口味嘅雞煲，嚟到泰國菜餐廳就試吓泰式口味啦，雞件份量都唔少，有好多金不換同乾蔥所以聞落好香，食落調味都幾好，酸酸辣辣，好有泰式風味，幾特別😆如果想打邊爐食完雞可以加湯再抲打邊爐配料，呢日食唔落就無打到喇🤣🤣泰式青檸燒牛肉牛肉份量好多，生熟度剛好，幾腍有肉味，點埋酸酸地嘅醬汁好夾👍🏻咖喱軟殼蟹配蒜蓉包超級大份嘅咖哩，除咗蒜蓉包之外仲可以叫薄餅嚟送，咖哩夠香但唔辣，適合一家大細。軟殼蟹都有兩大隻，雖然浸滿咖哩汁但仲有啲脆口。蒜蓉包脆卜卜，送咖哩汁一流😋😋椰子冰、青檸梳打食辣一定要叫杯野飲，大大杯，椰子冰就偏甜🥥珍多糕、西米糕餐廳最後仲送埋甜品，雖然已經飽到上心口🤣不過食埋味道正宗嘅泰式甜品就更完滿☺️人均消費：$300推介指數（10分為滿分）：7.5分