影片
更多
2018-02-12
227 瀏覽
想食台灣野又想食甜品，同朋友黎左呢間甜圓坊，試試最近大熱的芋圓甜品。香酥排骨飯（$45）＆手工滷肉飯（$30）先點了咸食，選擇貴精不貴多，只有三款。朋友要了滷肉飯，滷得軟腍入味，半肥瘦的豬肉口感十足，蛋硬實咸咸地，加埋醬汁好好下飯。自己要了排骨飯，基本上同朋友果碗是一樣的，滷肉飯底同滷蛋，再加多塊炸豬扒，更豐富了。炸得香口不油膩，啖啖肉好正。珍珠奶茶（$20）食台灣野就係為左杯台式飲品，叫左珍珠奶茶，茶濃奶滑，無叫少甜都係微甜，好合口味喎，珍珠又有咬口，勁好飲！招牌水果茶（$23）朋友話未試過水果茶又叫黎試下，嘩，原來一壺上㗎，兩個人飲都夠，仲分開比左蜜糖水，不過呢，生果味已經好夠甜，不用再加糖了。燒仙草（$25）因為好凍，想食熱嘅甜品，要左燒仙草，黑黑的看不到內裏的餡料，哈哈。入面其實好豐富，有芋圓，南瓜圓，紅豆，花生等等，煙煙韌韌好有咬口，芋圓真係粒粒入面都有芋頭餡㗎，好好味呀～（朋友話個味好似食緊龜苓膏，咪係涼粉味囉，哈。）桂圓蓮子甜湯（$25）朋友都係叫熱嘅甜品，台灣式嘅糖水。好清潤，龍眼肉微甜，蓮子薏米有咬口，好適合冬天飲。全場食客都係食完咸食再叫甜品的，食物有水準，價錢不貴
香酥排骨飯（$45）＆手工滷肉飯（$30）先點了咸食，選擇貴精不貴多，只有三款。
朋友要了滷肉飯，滷得軟腍入味，半肥瘦的豬肉口感十足，蛋硬實咸咸地，加埋醬汁好好下飯。
自己要了排骨飯，基本上同朋友果碗是一樣的，滷肉飯底同滷蛋，再加多塊炸豬扒，更豐富了。炸得香口不油膩，啖啖肉好正。
珍珠奶茶（$20）食台灣野就係為左杯台式飲品，叫左珍珠奶茶，茶濃奶滑，無叫少甜都係微甜，好合口味喎，珍珠又有咬口，勁好飲！
招牌水果茶（$23）朋友話未試過水果茶又叫黎試下，嘩，原來一壺上㗎，兩個人飲都夠，仲分開比左蜜糖水，不過呢，生果味已經好夠甜，不用再加糖了。
燒仙草（$25）因為好凍，想食熱嘅甜品，要左燒仙草，黑黑的看不到內裏的餡料，哈哈。
入面其實好豐富，有芋圓，南瓜圓，紅豆，花生等等，煙煙韌韌好有咬口，芋圓真係粒粒入面都有芋頭餡㗎，好好味呀～（朋友話個味好似食緊龜苓膏，咪係涼粉味囉，哈。）
桂圓蓮子甜湯（$25）朋友都係叫熱嘅甜品，台灣式嘅糖水。
好清潤，龍眼肉微甜，蓮子薏米有咬口，好適合冬天飲。全場食客都係食完咸食再叫甜品的，食物有水準，價錢不貴，加上小店不用加一，都好抵食喎。
張貼
