濤 (已結業)

唔係濤嘅常客，但因為係街坊，所以一年總會幫襯一、兩次，雖然價錢唔算平但食物質素好有保證。但今次幫襯真係極之失望。

刺身同壽司尙可，但係一般街貨，週圍都食到嘅貨色，已經冇咗以前好新鮮嘅感覺。但炸物真係唔合格，炸蝦好油同好厚粉。串燒ok，但order燒飯團又話冇，餐牌有又唔做，咁問佢冇飯定冇火，佢又答唔出。的確我叫件大拖你切兩刀已經賺幾十，何必同我$40燒個飯團。

Waitress姐姐態度好一般，成間舖頭唯一keep到嘅就係兩位四眼哥哥都係好殷勤同好有禮貌。