影片
更多
2018-11-20
2626 瀏覽
Join 左 OpenRice 好多年一直都只做 cd-rom 淨睇唔留言但今次點都要寫低感受因為平時真係好少食到成肚氣但今次....利寶閣，絕對係一次好嬲而不愉快嘅體驗！話說想食大閘蟹老公見到利寶閣喺 yahoo 度做團購所謂原價 $478 團購 $398咁就買左兩張去試下啦訂左 6 點枱去到有幾枱客但得一個樓面眼見呢個樓面阿姐態度有啲寸心諗成個場得佢一個做到有啲踢晒腳寸都應該既但原來我地咁諗係錯嘅呢個任食兩小時所謂原價 $478 團購 $398 嘅餐包左一碗湯、鮑魚一隻、大閘蟹任食、甜品加薑茶佢啲野食係唔差嘅任食嘅大閘蟹大約四両重同預期嘅差唔多合理嘅我地首先嗌左 3 款共 12 隻既大閘蟹食食下客人開始多亦多左啲炒散嘅員工出現4 両蟹... 對腳無乜肉食呢但從來唔浪費食物嘅我好有衣食地將成隻蟹身啲肉挖晒食晒嘅我地食完左第一輪再嗌左 6 隻呢次係一個鄉音未改嘅炒散阿姐上菜佢見到我碟上嘅殼竟然企係度鬧我唔可以咁樣食法我拎起個殼同佢解釋我已經食晒啲肉㗎佢唔理，照鬧真係難聽啲講我鍾意點食都唔輪到你管唔輪到你鬧我更何況我食晒啲肉點解我咁都要俾你鬧點解我要俾個炒散阿姐大庭廣眾咁鬧我好嬲到 8
一直都只做 cd-rom 淨睇唔留言
但今次點都要寫低感受
因為平時真係好少食到成肚氣
但今次....
利寶閣，絕對係一次好嬲而不愉快嘅體驗！
話說想食大閘蟹
老公見到利寶閣喺 yahoo 度做團購
所謂原價 $478 團購 $398
咁就買左兩張去試下啦
訂左 6 點枱
去到有幾枱客但得一個樓面
眼見呢個樓面阿姐態度有啲寸
心諗成個場得佢一個做到有啲踢晒腳
寸都應該既
但原來我地咁諗係錯嘅
呢個任食兩小時所謂原價 $478 團購 $398 嘅餐
包左一碗湯、鮑魚一隻、大閘蟹任食、甜品加薑茶
佢啲野食係唔差嘅
任食嘅大閘蟹大約四両重
同預期嘅差唔多
合理嘅
我地首先嗌左 3 款共 12 隻既大閘蟹
食食下客人開始多
亦多左啲炒散嘅員工出現
4 両蟹... 對腳無乜肉食呢
但從來唔浪費食物嘅我好有衣食地將成隻蟹身啲肉挖晒食晒嘅
我地食完左第一輪再嗌左 6 隻
呢次係一個鄉音未改嘅炒散阿姐上菜
佢見到我碟上嘅殼
竟然企係度鬧我唔可以咁樣食法
我拎起個殼同佢解釋我已經食晒啲肉㗎
佢唔理，照鬧
真係難聽啲講
我鍾意點食都唔輪到你管唔輪到你鬧我
更何況我食晒啲肉
點解我咁都要俾你鬧
點解我要俾個炒散阿姐大庭廣眾咁鬧
我好嬲
到 8 點鬆啲差唔多夠鐘時
一開始既樓面阿姐走過黎一句「你都唔飲架喇」就將我地每位 $17 茶位既茶壺攞走左
之後上左兩碗南瓜西米露
當我地都未食完碗南瓜西米露時
「好埋單啦喎！你地過晒鐘好耐喇」
另一個鄉音好啲啲既資客阿姐走黎一句車埋黎
做乜野姐而家？！
我地有話唔走咩？你地酒樓啲員工態度係咪可以好啲？
到佢拎個收銀夾黎時
明明我地落單紙都打明係團購 $398 餐
仲要開始時已經俾左佢地
佢都仲要咋咋帝收我地原價話連加一茶介千幾蚊
我地同佢講一開始俾左樓面阿姐
佢仲要調頭走時邊行邊話「團購都係平幾十姐」
我嬲到震
厚道非常嘅老公則表示利寶閣永不錄用
到走時
我地係𨋢口見到佢自己嘅 poster
明明喺 yahoo 團購寫原價 $478 既餐
Poster 標明 $428
利寶閣都叫集團丫都咁有幾間分店丫
呢啲就係佢地嘅代客之道？
將來幾平幾好食我地都唔會再去！
完
張貼
