影片
更多
2009-08-17
12 瀏覽
難得屋企人嚟灣仔行食品展順便同我食lunch, 平時同同事都好少去東海, 因為同區大把平靚正選擇, 但因為想靜靜地, 所以揀咗佢 ~~~ 不過, 一次夠晒, 以後都唔會再去.坦白講, 東海啲食物一向都ok, 從來冇唸過碟牛孖筋可以硬成咁, 好似食膠喉咁. 於是我同一個叫做”寶寶”嘅部長反映, 嘩, 今時今日呢個服務態度係唔得ga. 佢木無表情, 二話不說, 就拎咗我碟牛孖筋走,, 五分鐘後, 返嚟一樣木無表情咁同我講 : 我啲同事試過你碟牛孖筋, 佢地話正常喎, 我唔知點解你話有問題, 咁啦, 我送甜品比你地啦. 講完就行開. 坦白講, 佢咁嘅回應其實好冇禮貌, 話晒東海係大酒樓, 點可以容納呢啲咁無質素嘅員工, 仲要係部長 !!!!! 甜品原來係人都送嘅, 於是我同果個”寶寶”講, 既然甜品係人都送, 不如你免我茶芥啦, 嘩, 佢個咀臉又來了, 佢話 : 冇噃. 在全無眼神接觸下又走了. 到了埋單, 先知原來碟牛孖筋係要照收錢, 但碟牛孖筋有一半係比呢個”寶寶”所謂的同事食ga噃. 喂, 咁算點呀, 服務態度奇差, 講完唔算數, 仲要我請你地食牛孖筋呀, 我最後忍唔住, 叫咗一
難得屋企人嚟灣仔行食品展順便同我食lunch, 平時同同事都好少去東海, 因為同區大把平靚正選擇, 但因為想靜靜地, 所以揀咗佢 ~~~ 不過, 一次夠晒, 以後都唔會再去.
坦白講, 東海啲食物一向都ok, 從來冇唸過碟牛孖筋可以硬成咁, 好似食膠喉咁. 於是我同一個叫做”寶寶”嘅部長反映, 嘩, 今時今日呢個服務態度係唔得ga. 佢木無表情, 二話不說, 就拎咗我碟牛孖筋走,, 五分鐘後, 返嚟一樣木無表情咁同我講 : 我啲同事試過你碟牛孖筋, 佢地話正常喎, 我唔知點解你話有問題, 咁啦, 我送甜品比你地啦. 講完就行開. 坦白講, 佢咁嘅回應其實好冇禮貌, 話晒東海係大酒樓, 點可以容納呢啲咁無質素嘅員工, 仲要係部長 !!!!!
甜品原來係人都送嘅, 於是我同果個”寶寶”講, 既然甜品係人都送, 不如你免我茶芥啦, 嘩, 佢個咀臉又來了, 佢話 : 冇噃. 在全無眼神接觸下又走了.
到了埋單, 先知原來碟牛孖筋係要照收錢, 但碟牛孖筋有一半係比呢個”寶寶”所謂的同事食ga噃.
喂, 咁算點呀, 服務態度奇差, 講完唔算數, 仲要我請你地食牛孖筋呀, 我最後忍唔住, 叫咗一個男部長講, 呢個好好多. 正當我投訴之際, 呢個”寶寶”部長走過來話 : 我唔係呃你, 的確係好多人唔食我地送嘅糖水. 佢嘅回應, 我一啲都唔明 !! 咁係唔係話你地啲糖水唔好食 ? 同佢講大話又有mud野關係呢 ?
總之, 我以後都唔會再幫襯灣仔港灣中心呢間東海, 我會同我啲同事分享呢個經歷 ~~~ 太掃興了.
張貼