食之劇場餐廳 (已結業)

西貢 食之劇場星期一考車牌一剔pass咗☺️ 今日就同朋友黎咗西貢「食之劇場」慶祝，朋友話呢度嘅omakase好有特色而且好出色，好興奮呀☺️「雲 Kumo Set」☺️☁️  （$800）套餐包括：前菜三點、剌身兩點、燒物、煮物、壽司三點、湯及甜點。第一項嘅前菜已經十分驚艷，餐廳用蘋果木做了個煙霧效果，非常吸睛。木盒入面有三樣前菜，酸酸甜甜好開胃。緊接落嚟嘅係剌身，牡丹蝦同魚用咗月亮形狀嘅碟裝，好靚！個魚腩非常肥美，而且兩樣剌身都十分鮮味。（以前食嘅放題全部都係⋯⋯。）真係完全不一樣嘅體驗。跟住落嚟嘅燒物有一條栩栩如生嘅烤魚。燒嘅時候將魚整成彎彎嘅形狀，令佢出到黎都保持到呢個動態。配上蘋果醋，好睇又好味。然後嘅煮物非常特別，佢係一個南瓜飯團。入面冇飯嘅，但有啲肉粒同櫻花蝦～之後係三件又靚又肥美嘅剌身魚壽司，黎到呢度已經好飽足啦～最後仲有個豚肉湯同埋甜品。甜品有用咗白油浸嘅黃金桃，同自家製嘅士多啤梨雪糕，畫上咗一個完滿嘅句號。