數月前的某晚8點幾同太太行過見到「豬仔雞煲小廚」，見未試過就入去幫襯，點知換來難忘嘅劣食體驗。
叫咗個**粉絲蝦米雜菜煲**，一食就知中伏 - 蝦米有陣霉味，粉絲煮到糊晒；明明落單要**醉雞煲**，黎到變咗**麻辣雞煲**，雞肉又鞋又柴，麻辣味得個死鹹，完全冇層次。最貴嘅**雪花肥牛**竟然有陣雪藏味，咬落似擦紙膠。食到一半，我同太太已經開始肚痛，最後急急腳走人。
環境都嚇人，天花板滴水滴到隔離枱，雖然擺咗啲水桶喺度裝水，但都係成地濕漉漉，伙記仲要若無其事咁行黎行去。今日喺OpenRice見到間舖仲喺度，即刻寫呢個食評提醒大家：唔想中伏嘅，千祈唔好試！
