白鬍子炸魚薯條 (已結業)

翻睇番啲構想先至發現自己冇寫到呢一間餐廳嘅短評，呢個位於7號碼頭嘅炸魚薯條其實都已經開咗一段時間，今次因為有時間喺海邊食個午餐順便睇吓展覽資料，所以就黎到呢度叫左佢哋嘅特色炸魚薯條。炸魚薯條套餐大概60蚊至90不等，我叫左個最簡單嘅一種，一條炸魚同埋薯條。配上一個蒜蓉沙律醬。真心講略嫌呢個炸魚薯條嘅炸魚份量真係好少。大概係我手掌嘅一半左右嘅份量，我覺得呢就偏貴啦，因為就算喺赤柱西餐街嘅午，餐食一碟炸魚薯條有好幾件炸魚都係講緊＄100多少少。分量仲要足二人，得咁少魚要大概＄70嘅價錢我就覺得有啲唔值。好彩魚柳口感不錯，而且唔會太多油，不過一食就係雪藏味，無咩特別。薯條即叫即炸配蒜蓉沙律醬，以外賣嘅價錢真係唔係好抵。薯條份量好多但係魚就真係一條囉。飲品方面亦都唔覺得佢10分抵飲其實對面就係7-11啦。所以冇叫到。個價錢就偏貴，未算好有特色囉。