影片
更多
2021-05-22
154 瀏覽
一向喺sake no wa嘅online shop買開清酒，喺FB知道佢哋開咗間sake放題餐廳，一於趁今日放假自己去試吓。入去之後店員就簡單介紹收費同埋講清楚放題玩法。頭一個鐘$180一個人，之後就每15分鐘$25，價錢唔貴。除咗清酒，佢哋有Suntory 生啤，果酒，燒酎，總共大概有150枝選擇，令外加$100可以飲埋個Premium櫃大概38枝貴少少嘅清酒，我有加到, why not~相信因為佢哋本身大部分清酒都係直接喺酒蔵入貨，所以啲酒嘅quality都非常好。同埋啲品牌都唔係啲大眾嘢，我本身都係清酒國際唎酒師，呢度絕對可以滿足到我。呢度都有店員係唎酒師，我問啲酒嘅問題佢會清楚答我，但係又唔會特別主動去撩客人講嘢，呢種最舒服。Post吓啲酒先到食物方面，因為我主要都係飲酒，所以剩係叫咗枝豆同埋生和牛片Carpaccio送酒。個枝豆係正常嘢，無特別，但係個和牛Carpaccio就真係正到不行！口感嫩滑充滿牛脂感，調味剛剛好，非常推薦！總結，環境舒服，清酒selection不太主流，同埋碟Carpaccio好好食！
入去之後店員就簡單介紹收費同埋講清楚放題玩法。
頭一個鐘$180一個人，之後就每15分鐘$25，價錢唔貴。
除咗清酒，佢哋有Suntory 生啤，果酒，燒酎，總共大概有150枝選擇，令外加$100可以飲埋個Premium櫃大概38枝貴少少嘅清酒，我有加到, why not~
相信因為佢哋本身大部分清酒都係直接喺酒蔵入貨，所以啲酒嘅quality都非常好。同埋啲品牌都唔係啲大眾嘢，我本身都係清酒國際唎酒師，呢度絕對可以滿足到我。
呢度都有店員係唎酒師，我問啲酒嘅問題佢會清楚答我，但係又唔會特別主動去撩客人講嘢，呢種最舒服。
Post吓啲酒先
到食物方面，因為我主要都係飲酒，所以剩係叫咗枝豆同埋生和牛片Carpaccio送酒。
個枝豆係正常嘢，無特別，但係個和牛Carpaccio就真係正到不行！口感嫩滑充滿牛脂感，調味剛剛好，非常推薦！
總結，環境舒服，清酒selection不太主流，同埋碟Carpaccio好好食！
張貼
