沙嗲王 (MPM文華商場) (已搬遷) 新店位置

沙嗲王·中學兒時回憶當香港回憶慢慢逐漸消失時，有時候我都幾掛住沙嗲王嘅招牌白咖喱豬扒飯！而家餐廳響應環保用QR code 落單，可減$2 沙嗲王間唔時都仍會推出新餐牌 今次就試左新推嘅特濃沙嗲牛肉粉絲沙嗲王嘅沙嗲湯底的確非常濃郁，濃厚香滑花生味，粉絲掛滿汁。牛肉無俾鬆肉粉過度處理，合格。最開心仲有隻溏心蛋添另外有個時光倒流餐牌小食倒流番十幾年嘅價錢都幾抵食。每次必點炸蝦棒$19 炸雞軟骨$33酥脆唔厚粉，份量可以。味道其實已經好過好多日式餐廳白咖喱香茅豬扒飯$64由細細個食到而家除左價錢貴左好多之外，味道依然無變，每時感覺都係一樣！濃稠creamy又惹味嘅白咖哩，配3塊外脆內軟啖啖肉嘅豬扒，最令我欣賞就係佢地係用珍珠米。