影片
更多
2019-05-19
159 瀏覽
聽講灣仔最近開左一間食OMAKASE(即廚師發辦，把當日所有料理的決定，交給師傅做)新店，朋友就係香港食過幾次，但我就係係香港第一次，朋友拉就左我去試下。一入店入面，就知師傅係放好多心機係呢間餐廳入面，餐廳一枱一椅，一草一木，甚至係枱面上面張紙，好有日本嘅感覺，好似去左日本咁。一問之下，餐廳入面所有野都係師傅諗過度過，餐廳係師傅夫婦二人主理，所以可算係倆口子嘅結晶。一坐低，師傅太太就比MEUN你睇，你可以揀15道菜或者18道菜。前菜:果茄、海膽湯菜(新鮮豆腐皮)、芋仔、黑棓見(季節性螺)聽師傳講，果茄係甜度好高嘅蕃茄，食落好果然好甜; 海膽湯菜，海膽是用福岡海膽，味道較淡，適合用於前菜，而湯菜十分有豆味，口感嫩滑;芋仔煮到好棯;黑棓見好鮮美，可惜係季節限定，順帶一提，師傅用黎串螺嘅用具都好精美，可見師傅嘅用心。食完前菜後，師傳會安排醃蘿蔔，比你清清口腔，醃蘿蔔仲要係自家製架。刺身:北海道真蠔，唔係講笑，手掌咁大嘅蠔，師傳教食蠔嘅正確方法係如果你唔可一次食先，就由蠔頭食到蠔肚，因為蠔頭係最淡味，而蠔肚係最濃味。呢首菜好鮮美，無一般蠔嘅腥味，平時食唔到蠔嘅朋友都可以食，蠔身啖啖肉，食落好c
一入店入面，就知師傅係放好多心機係呢間餐廳入面，餐廳一枱一椅，一草一木，甚至係枱面上面張紙，好有日本嘅感覺，好似去左日本咁。一問之下，餐廳入面所有野都係師傅諗過度過，餐廳係師傅夫婦二人主理，所以可算係倆口子嘅結晶。
一坐低，師傅太太就比MEUN你睇，你可以揀15道菜或者18道菜。前菜:
果茄、海膽湯菜(新鮮豆腐皮)、芋仔、黑棓見(季節性螺)
聽師傳講，果茄係甜度好高嘅蕃茄，食落好果然好甜; 海膽湯菜，海膽是用福岡海膽，味道較淡，適合用於前菜，而湯菜十分有豆味，口感嫩滑;芋仔煮到好棯;黑棓見好鮮美，可惜係季節限定，順帶一提，師傅用黎串螺嘅用具都好精美，可見師傅嘅用心。食完前菜後，師傳會安排醃蘿蔔，比你清清口腔，醃蘿蔔仲要係自家製架。刺身:
北海道真蠔，唔係講笑，手掌咁大嘅蠔，師傳教食蠔嘅正確方法係如果你唔可一次食先，就由蠔頭食到蠔肚，因為蠔頭係最淡味，而蠔肚係最濃味。呢首菜好鮮美，無一般蠔嘅腥味，平時食唔到蠔嘅朋友都可以食，蠔身啖啖肉，食落好creamy。另外，wasabi係鮮磨嘅。
活帶子，師傅話所有貝類要係5秒之內食，先食到貝類最鮮美嘅味道。上面落左鮮袖子同lemon juice，用黎提鮮。口感十分彈牙。
赤貝，同樣係5秒法則，食黎好爽口，好過癮。
牛篣，柴魚魚絲用黎調味，同埋都係自家製。
鯛魚白子，即係鯛魚睪丸，師傅話呢個係季節性食材，只有春天先有，師傅先用火槍係表面燒一燒，燒到個表面脆卜卜，入面好順滑，好似奶油咁細滑嘅回感，好D似豆腐，但再軟過豆腐。雖然係睪丸，但我無覺得無咩噁心嘅感覺。平時好少可以食到呢個食材，認真擴闊左我嘅眼界。
酒盜白蝦配堅魚內臟，係世界最細嘅魚，老闆娘同我地講呢個係好珍貴嘅食材，白蝦食落口感似赤蝦，堅魚內臟味似蝦醬，鹹鹹香香，好惹味。
煮深海八爪魚壽司: (由淡味魚到濃味魚)
所有壽司飯均用赤醋做，味道會較酸。
粒貝(海螺)，口感爽脆，味道鮮甜
石鯛，肉質實淨，味道較清淡
針魚，非常大條，老闆娘話平時只有筷子咁粗，今日嘅足足有兩倍咁粗。肉質結實彈牙，味道十分鮮甜，油分不會太多。
老闆話係秘密武器，係好稀嘅食材，係某種魚類嘅BB，食落滑，調味偏鹹香。
金目鯛，係日本人做刺身嘅首選，食落油份較重，肉質細膩，通常係高級日本餐廳先有供應。
鯖魚，鯖魚開始就係濃味魚，通常鯖魚一般食黎都係燒比較多，師傅話最高級嘅鯖魚先會用黎整刺身，非常新鮮，帶有濃重魚腥味，魚肉實淨。
小肌，是江戶前非常有代表性嘅壽司，肉質細嫩，味道鮮美，咬落去果刻係鮮味口入面散發開去。
軟心帶子海膽夾紫菜，呢個都係5秒內要食，帶子好大粒，師傅係帶子表面輕輕用火槍燒過，令帶子表面有微微燒焦，增加帶子嘅香氣，由於係半生熟，帶子入面仲好棯，帶子紫菜好脆，帶有少少鹹味，但更多嘅係紫菜本身嘅鮮味，海膽好Creamy，鮮甜，三樣食材簡直配合得天衣無縫。
牡丹蝦伴蝦膏，牡丹蝦帶有粘粘的口感，蝦膏十分重味。
赤陸，比喜之翅更高級嘅魚，係係我心目中所有佳麗嘅冠軍，油份好重，油份係口入面融化，魚油香係口中併發。
中拖羅，半肥瘦，唔會太肥太瘦，啱啱好，好有魚鮮味。
海膽，使用兩種海膽，一種係福岡海膽，一種係北海道馬糞海膽，先食福岡海膽，因為味較淡，北海道馬糞海膽非常濃味，香氣係齒間久久不能散去。
雙色海膽小卷，同樣用左福岡海膽及北海道馬糞海膽。
文蛤面豉湯，通常飲到嘅都係死鹹，呢個唔會死鹹，飲到係用新鮮海鮮，海鮮嘅精華都溶化哂係湯入面，令人一試難忘。甜品:
豆腐雪糕，連雪糕都係師傅親自整，食落好有豆香味，唔會太甜，作為完美收官。後記:
師傅同我地講，佢準備呢足足用左兩日，非常用心。呢一晚簡直係日本職人精神嘅體現！
張貼
