影片
更多
2019-12-22
48 瀏覽
最近朋友推介一間非常有特色嘅杭州老字號餐廳「張生記」, 於是帶咗最愛食中菜嘅老公去慶祝周年紀念。餐廳食物精緻、環境寬躺、裝修高雅, 非常推介👍🏻 另一個特別之處係每樣餸都係一位位上, 唔同其他中菜一大碟咁大家夾, 非常方便。 我地叫咗《三潭印月見》$798/位, 宜家仲要做緊買1送1😱性價比高..價錢合理🌟 不得不提呢2款我都好欣賞嘅餐前小食甜棗聞落一陣酒香味, 咬落甜甜地好chewy, 唔鍾意食蜜棗嘅我一試愛上, 老公更加唔使講密密添食。當然唔少得雪菜酸酸辣辣好開胃😋👉🏻 江南前菜兩味有Q彈口感非常爽脆嘅青瓜涼拌海蜇頭, 酸酸地勁開胃, 仲有香味濃郁嘅墨腸切片都係我最愛💓👉🏻 張生記老鴨湯 🦆🍲湯底非常足料, 選用上等金華火腿、老鴨、一絲絲鮮竹荀, 仲有花膠燉嘅老火燙。老公非常鍾意飲，入口每啖都係濃郁嘅鹹香味又唔油, 非常出色👍🏻因為我唔食鴨所以另外叫咗盅滋補響螺湯, 號稱湯后嘅我極力推介。唔使我講都見到湯底一樣足料, 放咗好多響螺同瘦肉去等燉, 非常清甜😋飲完勁開心勁滿足♥️👉🏻 麻婆豆腐龍蝦─ 張生記曾獲獎招牌菜式將傳統嘅麻辣豆腐加入新鮮龍蝦非常有創意。除咗賣相有氣派, 龍蝦伴碟打
我地叫咗《三潭印月見》$798/位, 宜家仲要做緊買1送1😱性價比高..價錢合理
🌟 不得不提呢2款我都好欣賞嘅餐前小食
甜棗聞落一陣酒香味, 咬落甜甜地好chewy, 唔鍾意食蜜棗嘅我一試愛上, 老公更加唔使講密密添食。當然唔少得雪菜酸酸辣辣好開胃😋
👉🏻 江南前菜兩味有Q彈口感非常爽脆嘅青瓜涼拌海蜇頭, 酸酸地勁開胃, 仲有香味濃郁嘅墨腸切片都係我最愛💓
👉🏻 張生記老鴨湯 🦆🍲
湯底非常足料, 選用上等金華火腿、老鴨、一絲絲鮮竹荀, 仲有花膠燉嘅老火燙。老公非常鍾意飲，入口每啖都係濃郁嘅鹹香味又唔油, 非常出色👍🏻
因為我唔食鴨所以另外叫咗盅滋補響螺湯, 號稱湯后嘅我極力推介。唔使我講都見到湯底一樣足料, 放咗好多響螺同瘦肉去等燉, 非常清甜😋飲完勁開心勁滿足♥️
👉🏻 麻婆豆腐龍蝦─ 張生記曾獲獎招牌菜式
將傳統嘅麻辣豆腐加入新鮮龍蝦非常有創意。除咗賣相有氣派, 龍蝦伴碟打卡呃like一流😬 麻辣調味正宗, 辣度適中唔會蓋過龍蝦嘅鮮味。我哋加咗個白飯, 簡直絕配💯
👉🏻 東坡牛肉伴南瓜餅
用牛肉整嘅東坡肉都係第一次食😋 醬汁入味, 牛肉質地鬆軟到真係入口即溶。南瓜餅手工精緻, 入面豆沙蓉甜度適中。一鹹一甜嘅配搭能夠中和東坡牛肉嘅油膩感。
👉🏻 荷塘小炒
外表睇平凡, 但實質好花功夫同時間。甜豆切去頭尾確保冇渣, 非常貼心。蓮藕切條食落爽口配合埋新鮮Q彈茨實, 非常有咬口。
👉🏻 蟹粉小籠包
皮薄餡靚, 蟹粉份量適中, 肉汁鮮味十足。
👉🏻 酒釀丸子
本身滴酒不沾嘅我, 第一次食酒釀丸子。聞落有香醇嘅酒糟味, 食落淡淡桂花香😋 當然唔少得我最愛嘅芝麻小丸子。
🌟 我同老公都會再嚟張生記試吓其他杭州出名嘅菜式, 非常期待💓
張貼