一日三餐 (已結業)

天色不會每日也明亮如晴空！暴風雨下，都係要生存，都要食嘢！曾經好有緣見過老闆！我好掛住佢，今日咁啱要做身體檢查！咁啱又喺附近，咁就食個午餐先啦！時間尚早，入到去直接有位！一直好想食呢度嘅鐵板！今日終於可以試一番啦！咁就點左個鐵板乾炒牛河，去咁多間茶餐廳，第一次見鐵板上乾炒牛河，唔理啦，叫咗先！等候時間都唔算耐！上枱嘅時候仲灑灑聲！嘩，咁有鑊氣，比我想像中仲要香，食落口差啲辣親，真係即叫即做，即叫即炒啦！正！又係加分位！都幾足料下㗎！牛肉都比其他茶餐廳還要多，份量都幾大份下，河粉都好夠林，牛肉都唔算太韌，如果牛肉生少少上碟，咁就做到完美！叫咗杯凍檸茶，茶底又係正，又唔苦澀！又夠清！👍我好鍾意！最後希望大家要頑強面對逆境，係不久嘅將來，晴天會降臨，仲有喺逆境下，要食足一日三餐，呢個係健康生活要素其中之一！大家一齊加油💪🏻