樂香園咖啡室 (已結業)

開工大吉，新年食咗咁多肥膩煎炸野，梗係要搵返啲正氣嘢食，俾個腸胃抖下啦！因為好多人仲放緊假嘅關係，中環少咗好多人，排咗一陣隊好快就有位喇。放完假要食返個大滿足嘅叉燒蛋飯多蔥$40，先可以一洗長假後要返工嘅鬱悶心情！登登登櫈環觀四周冇一枱客唔係食蛋飯，每碟都係一樣大細，一樣美味，一間好嘅食店就係要保持好高水準嘅出品。每次都想試佢首推嘅薯仔炆雞翼，但最終都敵唔過叉燒蛋飯嘅誘惑難得今日有樓上卡位坐，唔洗搭枱，食得舒舒服服。最神聖嘅就係淋上秘製甜豉油嘅一刻，為整個飯嘅味道提升到另一個層次！$40就有最佳飽肚感和滿足感，魅力真係沒法擋！