極品煮意 鷄煲.烤魚.火煱 (已結業)

呢間火鍋店係我第二次嚟食，我朋友已經食過幾次，因為真係好低食 ，百幾蚊又可以揀 火鍋烤魚雞煲 ，仲有熟食， 基本上可以滿足任何人嘅要求。餐前小食主要係涼菜俱多 ，普遍都係偏辣，啱曬我鍾意食辣嘅人。 飲品亦都有好多選擇 其他罐裝嘢飲我就唔特別介紹啦，反而最 有心嘅就係佢嘅豆漿，雖然我唔知係咪即榨 ，但係唔會偏甜 ，豆味好重。我哋叫咗醉雞鍋， 真係淨係食碟雞都已經食飽咗 ，超級大碟，重要雞肉係好嫩滑，酒味唔太重 啱啱好。打邊爐配料亦都有好多選擇， 基本上你哋係 其他火鍋店 度食嘅嘢呢度都有。淨係麵都有咁多款選擇 ，雖然我好想食， 但係實在太飽，希望下次嚟可以食埋。