一幻拉麵

一幻拉麵又開分店啦！今次响新界啱哂，近屋企！ 地點非常方便，响屯門市中心商場。新開張一定吸引比較多人，排隊過程尚算順利，我哋排咗差唔多40分鐘到就可以入座。

新分店有限定拉麵一定要試啦～ 呢個係番茄湯底! 同蝦湯原來都幾夾wor! 

仲試咗佢哋個撈麵! 呢個撈麵好好食，蝦味超級重，叉燒亦都非常嫩，最鍾意佢將叉燒切粒粒，咁就唔會次次都一大啖肉，配料亦都好充足 

食拉麵一定要點埋日式餃子kyoza! 煎得剛好，好脆口！

最後嗌埋招牌蝦湯拉麵~