永和海鮮酒家

營業中

休息中

剛剛過左的星期日去左遊船河,返到碼頭6點左右,跟住就去食海鮮啦,這裏係上年遊完船河唔打唔撞搵到既海鮮酒家,又平又好食,於是今年再嚟過,其實都有經過海鮮大街睇下其它酒家啱唔啱食既,但係價錢唔太抵,就嚟番呢度啦.我地有十一個人叫左一個八人海鮮餐再加左3隻鮑魚及3隻扇貝,另外再叫左椒絲腐乳通菜. 等左一陣白灼蝦先到,都好大隻架,熱辣辣好鮮甜又爽口,跟住係西蘭花鮮魷,鮮魷份量都好多,我冇食到,食左西蘭花好爽甜呀!!辣絲腐乳通菜,通菜都算青綠,味道ok,芝麻手撕雞好大份,入面有雞絲,涼皮,芝麻,腰果,蕎頭,薄脆....好多料呀,口感好豐富,有d蕎頭好得意,酸酸甜甜咁,薄脆,腰果都好爽口,好味.清蒸鮑魚,都算大隻,蒸到啱啱好熟,好鮮味呀! 蒜蓉蒸扇貝,都幾大隻架,加埋d蒜蓉粉絲一齊食,好鮮味呀,扇貝又厚肉又爽口喎.椒鹽瀨尿蝦,嘩,好大隻好多呀,每人都唔只一隻架,有些大隻d但係冇膏的,有些細隻d先有膏架,好好味呀,好多肉好新鮮,正呀! 我都食左兩隻!!薑蔥炒蟹,有兩種蟹的,花蟹及另一種我諗係肉蟹卦,好大隻蟹鉗架,啖啖肉好好味呀!花蟹就細隻d不過都好鮮甜架!清蒸紅魚,呢條魚都算大條又滑又鮮!最後係杞子