蓬萊素食館 (已結業)

話說曾經一度係公司飯堂o既三德，因為味精重得滯，終於被打入冷宮，結果移師到另一間無味精o既齌舖，正因如此，平時公司午餐同OT晚餐都有黎過幫趁。講真，呢間係典型o既街坊舖：好細，門面一Ｄ都唔起眼，位置又隔sit，你唔講我都唔知道呢到有野食。黎呢到，無論你鍾唔鍾意飲湯，都一定要試佢o既例湯，真係無味精，有Ｄ人覺的太淡，甚至拿埋樽鹽沈住飲。另外，食齌菜可以食到鑊氣o既本人真係第一次見識到，師傳有Ｄ野wo!基於公司一成都不肯變的定律，除o左晚飯個次叫多o左條五柳黃魚外，每次都係叫個幾樣ga：炸荔芋卷（水準唔多穩定，可能要睇師傅心情）、四川枝竹羊腩煲（唔洗驚，係齌黎o既）、頭先講過o既五柳黃魚（用素鵝捲住Ｄ紫菜黎炸，除o左好有口感外，紫菜o既海水味仲可以扮到魚腥味，一絕！）、欖菜肉鬆炒飯ok（夠乾身）。其實呢到Ｄ小炒唔錯，但係就真係睇個日好唔好彩。有次叫o左濕炒牛河，oh no! D river noodle 雌住哂成餅野咁，絕對係呢間舖頭遲遲仲係零分o既原因。順帶一提，呢到Ｄ甜品同好多食家o既意見係一致：只可遠觀，不可食用。