影片
更多
2016-03-29
3864 瀏覽
2016食評都未寫晒, 反正越拖越多長寫長有, 既然由'泰仔'開始, 繼而寫'手拉麵小廚'...寫開2015舊食評, 繼續補寫好幾間欠它一個好評的餐店, 今次介紹的就是老牌美式餐廳又一城的'Dan Ryan's'. 其實之前去的幾次是金鐘店, 近來見到新聞說因業主要'優化商場'給顧客新鮮感所以Bye了它~ 但因在電腦中找到save了的相片是又一城店的, 就寫它吧! 再不寫, 怎知何時和金鐘同一命運??一家大細中午去又一城要開餐, 除了去翰騰閣飲茶, 另一好去處大家可考慮Dan Ryan's, 假期在又一城'搵食'都要有所安排, 我揸主意的首選有訂枱服務的, 否則都唔駛預我了, 尤其是對方是"麗池一族", 我更加會主動找可以訂枱的餐館, 這種情形下那些排住一條長隊大家罰企侯枱的餐店唔駛旨意做到我生意, 因為我無理由要自己一家大細罰住企半個一個鐘去等張枱嚟食呢餐, 幾好食都假, '坐住等'至少都無咁陰功啦, 啱唔啱先?! Dan Ryan's一大優勢是餐廳夠大, 一星期前訂枱通常都安排得到, 而且食物質素有一定保證, 我做東會幫趁呢類信心之選! 是日為公眾假, 照
其實之前去的幾次是金鐘店, 近來見到新聞說因業主要'優化商場'給顧客新鮮感所以Bye了它~ [屹立太古廣場27年 不獲續約, Dan Ryan’s下月告別金鐘...太古廣場（PP）在1988年正式開幕，翌年Dan Ryan's在商場L1層開幕，是商場第一代租戶。 在20多年以來，商場多次翻新及轉換租戶組合，Dan Ryan's依然一直在原址經營，從未搬遷過舖位，原本Dan Ryan's在5月便會慶祝開店紀念，但卻要在下月告別收場，無法邁向第28年。 本報訪問餐廳高層時強調離場非租金問題，城中名人食客均感惋惜。] 但因在電腦中找到save了的相片是又一城店的, 就寫它吧! 再不寫, 怎知何時和金鐘同一命運??
一家大細中午去又一城要開餐, 除了去翰騰閣飲茶, 另一好去處大家可考慮Dan Ryan's, 假期在又一城'搵食'都要有所安排, 我揸主意的首選有訂枱服務的, 否則都唔駛預我了, 尤其是對方是"麗池一族", 我更加會主動找可以訂枱的餐館, 這種情形下那些排住一條長隊大家罰企侯枱的餐店唔駛旨意做到我生意, 因為我無理由要自己一家大細罰住企半個一個鐘去等張枱嚟食呢餐, 幾好食都假, '坐住等'至少都無咁陰功啦, 啱唔啱先?! Dan Ryan's一大優勢是餐廳夠大, 一星期前訂枱通常都安排得到, 而且食物質素有一定保證, 我做東會幫趁呢類信心之選! 是日為公眾假, 照舊接受訂坐, 但講明入座起計個半小時, OK無問題!
今日志在見個面傾吓偈, 始終酒樓偏嘈, 這兒應該更適合吧?! 食還是其次, 尤其是各位都不是大胃王, 各自家隨意點了些食物自己吃, 再叫了一客Dan's Gold Coast Salad 全份HK$165 Share吃, Honey 點的是BBQ Burger Set, HK$188 包一個包一個是日餐湯, 個包的相片應該在他手機, (為了要快快出番呢個食評, 不找了~) 個包貫徹一貫份量大大個, 件BBQ肉ok無燒到乾晒, 有煙肉洋葱Chedder 芝士, 他說如果醬汁略為多番少少會更好呢!
我因一早起床例牌在聯發吃了個大早餐所以只點個焗洋葱湯再吃餐包及沙律就夠了.
Dan Ryan's 的包包, 大家都頗欣賞, 食完可encore...不過"惜食之人"唔好貪心, 夠就好了~
'馳名'的Walnut Muffins, 以前未試過自己焗一直都幾喜歡吃, 鬆鬆的、 香香的、 暖暖的, 但現在, 只覺那陣泡打粉味真的很突出, sorry, 是自己"奄尖"吧~
Dan Ryan's Menu 下方部份有一句: [WARNING! We Served American Portions!] 所以沙律一份Share就夠了!
埋單盛惠七百多元, 每位消費百多元的午餐, 勝在坐得舒服、 招呼OK、地點方便、 環境燈光氣氛舒服, 值得推薦的! 所以有些時候我約人都幾喜歡選擇午餐聚會, 唔駛同人迫又食得開心!
題外話: 又一城又多信用咭優惠, 禮品直接易攞, 唔駛左'登入'/右'Log-in'/再又儲唔知幾耐儲幾多分至有啲好濕碎或者唔等駛嘢, 即係無謂搞啦~ 但又一城的呢...年年聖誕及新年, 消費金額當然要幾千蚊起, 但換到的禮品是見得人的食物籃又或者某大品牌Cream Set籃, 而近來2016 3月份的優惠, 月頭有食滿$800元就可去樓上客戶服務部換一盒四四正正的靚靚曲奇, 月尾我們就攞過朱古力, 快/靚/正! 花錢都花得開心啲
張貼
