影片
更多
2020-12-12
149 瀏覽
今日又係foodies大聚下午茶，多人到要分兩枱。細細個嗰陣已經聽過呢間舖頭好多次，今日終於有機會嚟試下。一直以為呢度只係食甜品，原來仲有咁多鹹食添，款式仲有好多！我發現我真係成日嚟旺角蒲，食完返屋企食晚飯。香煎加拿大帶子拼鮮蝦半蒜香煙肉扁意粉配黑蟹籽紅花汁 ($158)Seared Canadian Scallop and Prawn with Garlic and Bacon Linguine, Black Crab Roe Saffron Cream佢個名本身就咁長。加拿大帶子同啲蝦都煎得好香口。我好中意咬扁意粉，呢個煮得好好食。想介紹下呢個汁，平時好少見，好濃味好有層次。意式巴馬風乾火腿及無花果沙律 (原價$118)Parma Ham and Fig Salad呢個沙律有曬我中意食嘅嘢，個火腿唔會太鹹。我好中意佢地個無花果咁好味，佢地竟然唔食。見到啲巴馬風乾腿就諗起之前一係西班牙日日食，食十塊都未腎虧。旺角分店有部份主食買一送一嘅優惠！即係我買$158嗰個就送咗$118呢個。優惠價追加小食脆炸日本堂揚魷魚鬚 (+$40)Aori-Ika Karaage呢個小食好香好脆，中間嘅魷
香煎加拿大帶子拼鮮蝦半蒜香煙肉扁意粉配黑蟹籽紅花汁 ($158)
Seared Canadian Scallop and Prawn with Garlic and Bacon Linguine, Black Crab Roe Saffron Cream
佢個名本身就咁長。加拿大帶子同啲蝦都煎得好香口。我好中意咬扁意粉，呢個煮得好好食。想介紹下呢個汁，平時好少見，好濃味好有層次。
意式巴馬風乾火腿及無花果沙律 (原價$118)
Parma Ham and Fig Salad
呢個沙律有曬我中意食嘅嘢，個火腿唔會太鹹。我好中意佢地個無花果咁好味，佢地竟然唔食。見到啲巴馬風乾腿就諗起之前一係西班牙日日食，食十塊都未腎虧。
旺角分店有部份主食買一送一嘅優惠！即係我買$158嗰個就送咗$118呢個。
優惠價追加小食
脆炸日本堂揚魷魚鬚 (+$40)
Aori-Ika Karaage
呢個小食好香好脆，中間嘅魷魚都好爽口。有四舊魷魚鬚，仲有啲紫菜添！
香煎芝士玉子 (+$25)
Pan-Fried Tuna-Mayo Rolles Egg with cheddar cheese dressing
我好中意食蛋，呢個小食煎得好香，加埋啲醬好好味。一碟有五舊，我猜贏咗可以食多一舊，威。
宇治抹茶黑芝麻疏乎厘班戟 ($108)
Uji matcha black sesame soufflé pancake
一直覺得He She Eat最出名嘅招牌菜係疏乎厘！佢地未整完已經聞到啲蛋香味。綠茶味都幾香濃，唔會太甜。綠茶加芝麻呢個配搭幾特別，但係食落緊嚟竟然唔錯喎！仲有唔少配料添！
呢度環境幾好，有兩層。仲播緊啲流行音樂，例如Justin Bieber嘅Baby（寶貝）同加埋Ed Sheeran 嘅I don’t care（我不在乎），仲有著名情侶（我今日先知）Camila Cabello同Shawn Mendes嘅Señorita（小姐）。我最中意Zac Efron同Zendaya嘅Rewrite the stars（重寫星星），套戲好睇。一開始以為我哋都叫得幾多嘢，但係食完竟然覺得好肚餓。其實有冇人睇曬？
張貼
