丼吉日式吉列豬排專門店 (世貿中心)

營業中

休息中

噚日同女友第一次去試，五點四個字去到，排頭十名，到五點九個字已經望唔到條龍尾；六點入席點左豬扒搭蠔同埋豬扒搭蝦，六點兩個字未夠就已經有得食，咬第一啖可以感覺到 d 麵包糠、雞蛋到豬扒味味道係一層層，豬扒真係無得彈，鬆軟多汁夠肉味，蠔就夠肥夠厚身，不過味道就一般，蝦就真係唔錯，大隻有咬口同夠鮮味；d 飯我就嫌佢太軟啦，不過都o趙左佢兩碗；椰菜絲加左柚子醋夠晒爽口開胃，又食左佢兩大碟 ……不過最厲害隔離檯個哥哥仔，一個人叫兩 set，又加咖哩汁又叫多壺唔知乜春，侍應姊姊仔一放低 d 炸物食都未食就叫佢加菜絲 …… XDDDD