BRICK LANE (利園六期) (已結業)

老公話要食英國菜我本身都不受興趣既，通常唔係fish and chip 就係all day breakfast。興趣不大。但係今次呢間brick lane又好唔同喎！有驚喜。頭盤梗係食我最愛既Cesar salad 啦。佢用三文魚砌左幾朵玫瑰花，好靚。用料都好足。鵝肝煎得幾好，表面香脆，中間夾住一舊Caramel apple, 層次幾豐富。魚係超正！經理無介紹錯！表皮香脆，但係魚肉都好滑同甜，仲有蜆呀雲吞，好豐富。最後既甜品時間都係高水準，叫左一個草莓雪糕蛋白，兩個字：香！滑！ 每一啖都有濃濃既草莓加牛奶既香，比例岩岩好。加上我食哂成個蛋白，甜而不膩，無得頂呀！我幾鐘意呢種英式Bistro，係煩囂城市中有一個俾人放鬆下既地方。