影片
更多
2024-03-25
145 瀏覽
觀塘出名多美食，原來牛頭角都有一間咁出色嘅泰國餐廳，嗰日咁啱經過附近見到一棟保險公司中層竟然有間泰國嘢食，就決定入去試吓。果然女人直覺係好準，入到去唔單止裝修靚價錢都好合理，平過好多地方！一坐低已經見到冬陰功做緊promotion，$48 一碗真係超抵，仲有好多料，如果唔係好食得辣嘅人就一定要試！第一次見到泰式全日早餐，當然要試吓啦（雖然當時已經3點幾），有粥有蛋有煙肉同埋串燒雞，真係幾特別，同埋好似去咗泰國旅行嗌room service 嘅感覺。沙嗲豬肉同羊肉串燒都好抵食同埋勁惹味，大概$48一串真係好正，唯一豬頸肉非常失望，味道好夠，但係肉質好似食緊豬肉乾咁，superdry! 主食嗌咗金邊粉同埋菠蘿炒飯，正常發揮very good 👍🏻當然唔少得我嘅甜品，椰汁千層糕😋😋😋😋 一定要叫，同埋香蕉朱古力煎餅！下次一定會再嚟多次，真係好高質又平！
果然女人直覺係好準，入到去唔單止裝修靚價錢都好合理，平過好多地方！一坐低已經見到冬陰功做緊promotion，$48 一碗真係超抵，仲有好多料，如果唔係好食得辣嘅人就一定要試！
第一次見到泰式全日早餐，當然要試吓啦（雖然當時已經3點幾），有粥有蛋有煙肉同埋串燒雞，真係幾特別，同埋好似去咗泰國旅行嗌room service 嘅感覺。
沙嗲豬肉同羊肉串燒都好抵食同埋勁惹味，大概$48一串真係好正，唯一豬頸肉非常失望，味道好夠，但係肉質好似食緊豬肉乾咁，superdry!
主食嗌咗金邊粉同埋菠蘿炒飯，正常發揮very good 👍🏻
當然唔少得我嘅甜品，椰汁千層糕😋😋😋😋 一定要叫，同埋香蕉朱古力煎餅！下次一定會再嚟多次，真係好高質又平！
張貼
