Sagrantino

第一次Openrice食評就獻比呢間。未食過d咁難食嘅野，兜椰菜花湯0調味唔知飲緊乜，比較貼切嘅形容係一兜有菜味ge水。問返同行友人佢哋果兜反而係死咸，懷疑係我果碗唔記得加鹽，不過其實都冇分別，一樣係入唔到口。

至於主菜叫左個Carbonara，第一眼已經覺得係用超市d車打芝士片溶落去咁，食落口咸到苦咁，份量又細，真心呢種質素自己屋企煮都仲好食，咁樣收差唔多$200真係唔能夠接受。

再睇返其他人食果d，尤其係個Shirasu，放一堆吻仔魚喺兜意粉上面就$130？認真咩？