和井鐵板燒專門店 (已結業)

今日真係忙死, 一早要睇 trade show,下午4點有個客話要即時上我地 office, 所以決定開完會出去搵d 好野食~一出地鐵站就見到和井既廣告, 特惠晚餐九道菜$88, 諗都唔諗就行左去。特價聖子王套餐 HK$88蟹子沙律: 好多蟹柳同蟹子, 好味!鐵板配菜: 其實係冬菇+脆肉瓜, 冬菇好夠味, 脆肉瓜爽口活聖子王: 好鮮味, 絕對新鮮野, 不過少左d wo金菇牛肉卷: 普通食開既貨仔蒜茸青口: 落左少少牛油, 好香口煙肉黃金炒飯: 好香, 好有家庭味道日式炒雜菜: 黃椒好甜, 芽菜爽脆活蜆豆腐面豉湯: 蜆就無喇, 不過好鮮魚味, 如果改一改個名會好d甜品: 雞蛋布丁! 好香雞蛋味, 超正! 完滿既結束!絕括黎講, 份量就唔算多架喇, 不過我呢d大胃王食完都ok有飽腹感~ 味道就幾好, 調味料落得好準, 同場仲加映火燒牛扒, 又有兩部大電視, 擔保等既時候唔會悶, 食得過, 會翻兜~