大滿喜日本料理 (已結業)

一班人最近除左打邊爐，我覺得食放題都幾好，坐得舒服，傾計又得，又食得耐，今次來觀塘食放題，食左呢間大滿喜日本料理 ，大家都覺得吾錯，食得好開心。食物新鮮，個人喜歡鮑魚片，爽口鮮甜，另外三文魚同帶子都好食，鮮味，又冇乜雪味，三文魚係厚切，食落口感滿足，而且我覺得最好嘅係佢係寫幾多俾幾多，吾會等完嚟又扣減左吾夠食又再等，所以刺身都合格嘅，幾好。其他例如燒三文魚，多春魚，芝士焗帶子等都幾正，仲有一向食開嘅雞翼同天婦羅都好食，佢粉都吾算多，食落都好鬆軟，幾好食，飲品係自助嘅，都幾多野飲，refill都快。上菜時間合理，服務態度好，問野都會回應，甜品選擇亦多，下午或宵夜時間食更加超值抵食，下次晏少少或早少少再嚟食先。