極尚大瀛喜日本料理 (已結業)

去完水上樂園放電梗係要食返啲有質素嘅嘢來叉返電，所以去咗都算近嘅銅鑼灣食極尚大瀛喜，環境舒適；職員態度友善；又好快上到菜加上晚巿放題來講$262／人真係唔算貴，性價比高呀。-首先，刺身選擇多同埋新鮮。1.俄羅斯甜蝦刺身肉質鬆軟，味道都鮮甜，咬完後啲肉汁嗶哂出來，令甜味更突出而且又唔會腥，令人一舊接一舊。-2.虎蝦刺身每舊都煙韌有咬口，口感唔錯。佢嘅鮮味好突出但唔係腥味， 點小量的豉油同wasabi會能突顯蝦的香甜。 🍣-燒物3.燒扇貝扇貝上有厚厚嘅蒜蓉喺上面，有陣濃郁嘅蒜香味，適合鍾意食重口味嘅人。而扇貝肉質嫩滑，唔會話燒到老哂咁，真係好好味，大推依件燒物。 🫶🏻-壽司4.牛油果壽司牛油果作為壽司係幾新穎嘅配搭，但係食落又唔奇怪，反而有種幾清新嘅感覺，食完咁多肉整返件牛油果可以消除下油膩嘅感覺。不過唔建議食太多，都幾飽肚。-5.炙燒牛肉壽司同雪花牛肉鍋唔同，啲牛肉因為炙燒過比較乾身，但又唔會諧烚烚覺得佢好老，值得一試。最後，建議大家order返個燒菠蘿，因為可以幫助消化，等一陣又可以再食過啲刺身、燒物等其他不同類型嘅食物：）