金潮小廚

荷葉飯無得輸，差唔多枱枱都有叫，熱辣辣咁多，又大份又好味！

魚皮都好爽，食頭盤必食，不過呢個就有啲貴，要$50！不過真心正所以都係叫咗兩碟！

冰梅骨比有拔絲嘅感覺，甜酸加脆卜卜！

食到一半先記得影相，黃金南瓜超正！勁鍾意食蛋黃，本身想叫兩碟，但係另外都叫咗個黃金蝦，所以都係一碟算，個人覺得黃金配南瓜好味過蝦，食蝦懶得去咬走個殼，不過黃金乜乜乜都好食㗎啦！

超級令我震驚嘅係佢上菜速度快到暈！真係超高速，高速得嚟仲係碟碟熱辣辣！正