影片
更多
2010-09-05
34 瀏覽
因為有兩張免費戲飛8/31到期, 約左好友一齊用左佢, 就我放工搭車, 所以簡左係新世紀睇, 順便係埋新世紀開餐, 所以就上黎openrice搵食, 見到呢間既食評都唔錯, 所以就約好友係度等.7:45pm上左去攞位, 話要等半小時, 留低左電話之後可以周圍行下, 有位佢地會打比我. 點知唔夠10min就打比我啦, 好快, 但因朋友未到再加上我買緊野, 8:15pm先上到去, 佢地執緊枱, 等多5min先入得. 一坐低, 朋友就到啦, 時間啱啱好.餐廳內環境就唔錯啦, 但就真係好嘈, 唔太適合傾計, 反而啱一大班人柴娃娃, 熱熱鬧鬧聚一下.我地兩個人叫左3樣野食:-加州棒棒雞沙律 (半份) 見openrice好多人都話好食, 果然唔錯, 芝麻汁同d沙律好夾, d菜好fresh, 脆片好脆, 雖然有部份撈左汁淋左, 但加埋d芝麻汁都好味, 仲有d細細舊好似桔仔肉既物體甜甜的, 好好食, 但就真係好難先搵到d雞絲, 因為真係好少, 食到底先見到幾條. 但好在成個沙律既精髓唔係d雞度姐.德州芝士烘餅我同好友都係好"芝"既人, 呢個烘餅我地當然唔會錯過啦! 一份有4件, 唔太大件, 烘餅內藏有
7:45pm上左去攞位, 話要等半小時, 留低左電話之後可以周圍行下, 有位佢地會打比我. 點知唔夠10min就打比我啦, 好快, 但因朋友未到再加上我買緊野, 8:15pm先上到去, 佢地執緊枱, 等多5min先入得. 一坐低, 朋友就到啦, 時間啱啱好.
餐廳內環境就唔錯啦, 但就真係好嘈, 唔太適合傾計, 反而啱一大班人柴娃娃, 熱熱鬧鬧聚一下.
我地兩個人叫左3樣野食:-
加州棒棒雞沙律 (半份)
見openrice好多人都話好食, 果然唔錯, 芝麻汁同d沙律好夾, d菜好fresh, 脆片好脆, 雖然有部份撈左汁淋左, 但加埋d芝麻汁都好味, 仲有d細細舊好似桔仔肉既物體甜甜的, 好好食, 但就真係好難先搵到d雞絲, 因為真係好少, 食到底先見到幾條. 但好在成個沙律既精髓唔係d雞度姐.
德州芝士烘餅
我同好友都係好"芝"既人, 呢個烘餅我地當然唔會錯過啦! 一份有4件, 唔太大件, 烘餅內藏有4種不同味道既芝士, 而餅面就有好多蕃茄粒粒, 味道唔錯, 好芝味, 亦唔漏, 可能係因為餅面上既蕃茄減低左芝士既漏啦! 呢個烘餅都係熱食好味d, 有件凍左至食, 已食唔出"芝"味啦!
野菌忌廉意粉
見到好多食友提及呢度既明太子意粉同Carbonara都唔錯, 但因唔想食D太creamy既意粉, 所以簡左佢. 有一片蒜蓉包係意粉面, 但個包面既蒜蓉好油, 同埋蒜味唔夠, 算吧, 呢件都只係配角, 要求不能太高啦! 而主角意粉就做得唔錯啦, 汁唔多, 幾乾身, 野菌入味, 意炒軟硬度適中.
由坐低至埋單走人, 大約一個鐘, 上菜速度及次序都ok.
我地兩個人坐張細枱, 放唔晒d食物, 侍應都好醒目自動自覺幫我地將個大碟轉細碟, 全程仲不斷密密斟水, 服務都幾好.
兩個人食到飽飽, 埋單只係HKD209, 同好友正盤算下次大班人聚會時又多一個選擇啦!
張貼