影片
更多
2006-06-26
18 瀏覽
去朋友屋企聚會，數吓數吓有19人出席，認真熱鬧。正當大家煩惱食晚飯地方的時候，主人家已打點好一切，在迎囍book了位。於是一大伙人就浩浩蕩蕩咁湧去酒樓。一心以為19人會是分開兩圍，可能是前輩一圍，後輩另一圍。怎料主人家已細心打點好，要酒樓準備一張超大檯。當知客帶我們到那房，看見張可容納19人既大檯時，真的很興奮，始終覺得坐埋一圍傾計食飯是會開心好多。主人家一早已點菜，當然都是類似一般酒席的餸菜。乳豬全體唔錯，皮脆肉肥廋適中。之後有我唔食既龍蝦伊麵，聽講是可以的，不過我沒有吃過，所以不下評論。瑤柱節瓜圃其實都幾好，但草菇就唔多爽口。接著有海鮮卷，又因為我對海鮮敏感所以冇食。休息一小會，有海皇雞絲翅來。唔係太足料，冇想像中咁好。鴨掌鮑片反而是鴨掌比較好，又大隻炆得亦夠淋，但鮑片就普通了一點。不過，跟住來的東昇斑一定要讚，肯定主人家是加了錢，否則唔會有咁大條咁靚既星斑，而且蒸得又好，大家都好滿意。再者有雞，皮就幾脆，肉卻"鞋"了點，算是一般。印象中是咁多，之後就是荷葉飯和炒麵，但唔肯定有冇漏。吃了一碗荷葉飯，幾香。也吃了半碗炒麵，似乎太淡，唔夠獲氣。最後的生果尚算新鮮。但唔知點解冇糖水，但我
主人家一早已點菜，當然都是類似一般酒席的餸菜。乳豬全體唔錯，皮脆肉肥廋適中。之後有我唔食既龍蝦伊麵，聽講是可以的，不過我沒有吃過，所以不下評論。瑤柱節瓜圃其實都幾好，但草菇就唔多爽口。接著有海鮮卷，又因為我對海鮮敏感所以冇食。
休息一小會，有海皇雞絲翅來。唔係太足料，冇想像中咁好。鴨掌鮑片反而是鴨掌比較好，又大隻炆得亦夠淋，但鮑片就普通了一點。不過，跟住來的東昇斑一定要讚，肯定主人家是加了錢，否則唔會有咁大條咁靚既星斑，而且蒸得又好，大家都好滿意。再者有雞，皮就幾脆，肉卻"鞋"了點，算是一般。
印象中是咁多，之後就是荷葉飯和炒麵，但唔肯定有冇漏。吃了一碗荷葉飯，幾香。也吃了半碗炒麵，似乎太淡，唔夠獲氣。最後的生果尚算新鮮。但唔知點解冇糖水，但我作客的當然沒有提出，同場也沒有人出聲，就此罷了！
總括來說食物水準尚可，服務卻有欠專業，最滿意的還是那張可容納19人也不覺迫的大檯，如果再人咁多人的function，都可再考慮這裡。今餐是主人家埋單，相信佢中場時已去找了數，所以冇人知道今餐幾多錢。
張貼