影片
更多
2017-03-17
1084 瀏覽
今晚同朋友食生日飯，想試下Ｄ特別嘢，又想食好少少，所以我地攞脫西餐，揀左九龍維景酒店既中菜廳來到酒店二樓，已覺得環境同氣氛都很好舒適，感覺不錯。而入去坐底前，亦有員工幫你拉櫈，未食已感受到服務很到位，加分。其中一份菜單以「江西菜」為主題，平日係香港真係比較少機會試。我地見款式都唔錯，加上壽星女未食過，話想試，就決定試下啦。先講前菜，蒜泥黃瓜伴海蜇（$78）。海蜇切得好粗身，入口感覺清新爽口。仲可以蘸下呢碟自家製ＸＯ醬，ＸＯ醬很足料，唔算辣，夾埋海蜇食都幾夾，唔會搶走海蜇原有味道。而黃瓜就清清甜甜，都幾開胃。再來生拆魚雲豆腐羹（$88/位），除左有魚雲肉同切絲豆腐之外，仲有竹筍、蛋花等配料。食落口感豐富，味道濃郁。尤其豆腐絲，刀功都幾幼細，即使攪拌後亦沒有散開。另外，雖然以魚入湯，但沒有魚腥味，連我朋友怕魚腥既人都覺得唔錯。仲可以加些少胡椒粉，增添味道。油燜黃花魚（$228）都幾有水準！師傅應該係先將黃花魚原條煎香，再連埋魚肚、竹筍同湯汁一齊燘。黃花魚雖然油燘過，但食落乾身而且完全沒油膩感魚皮脆，魚肉嫩，切絲魚肚就索晒Ｄ湯汁，味道香濃，成個配搭好有心思。所有條魚好快就被我地清晒。再講下醬
來到酒店二樓，已覺得環境同氣氛都很好舒適，感覺不錯。而入去坐底前，亦有員工幫你拉櫈，未食已感受到服務很到位，加分。
其中一份菜單以「江西菜」為主題，平日係香港真係比較少機會試。我地見款式都唔錯，加上壽星女未食過，話想試，就決定試下啦。
先講前菜，蒜泥黃瓜伴海蜇（$78）。海蜇切得好粗身，入口感覺清新爽口。仲可以蘸下呢碟自家製ＸＯ醬，ＸＯ醬很足料，唔算辣，夾埋海蜇食都幾夾，唔會搶走海蜇原有味道。而黃瓜就清清甜甜，都幾開胃。
再來生拆魚雲豆腐羹（$88/位），除左有魚雲肉同切絲豆腐之外，仲有竹筍、蛋花等配料。食落口感豐富，味道濃郁。尤其豆腐絲，刀功都幾幼細，即使攪拌後亦沒有散開。另外，雖然以魚入湯，但沒有魚腥味，連我朋友怕魚腥既人都覺得唔錯。仲可以加些少胡椒粉，增添味道。
油燜黃花魚（$228）都幾有水準！師傅應該係先將黃花魚原條煎香，再連埋魚肚、竹筍同湯汁一齊燘。黃花魚雖然油燘過，但食落乾身而且完全沒油膩感魚皮脆，魚肉嫩，切絲魚肚就索晒Ｄ湯汁，味道香濃，成個配搭好有心思。所有條魚好快就被我地清晒。
再講下醬蘿蔔炒豬肚（$148），賣相方面，彩椒絲醬蘿蔔配豬肚，顏色鮮艷奪目。而醬蘿蔔其實同我地平時食開既菜脯差唔多，兩者都是用蘿蔔醃製，而今次食既呢種醬蘿蔔食落隱隱有種甜味，感覺清新。不過主角始終是豬肚，入口爽而不韌，仲可以蘸上ＸＯ醬，味道相得益彰。
而最後一道主食就係南昌粉蒸黑豚肉伴紫薯（$168），請原諒我地大鄉里，我同壽星女都係第一次食。用五花腩片鋪上蒸肉粉連同紫薯一起蒸，就咁睇好像吉列豬扒，蒸肉粉食落有Ｄ似麵包糠，但其實應該有花生碎及芝麻碎等。五花腩片肥瘦均勻，蒸得算乾身，咬落煙韌，所以口感都幾特別。不過紫薯若果再腍D就更加好。
其實都食到飽飽地，但一場來到，一於試埋甜品。我地叫左香芒綠茶甜薄撐（$48），綠茶味既皮入口仲係熱的，所以應該係即叫即整，配上酸酸甜甜既芒果及花生碎，味道出奇地夾，轉頭又試返涼浸浸既西瓜，呢個配搭我地都覺得幾驚喜。
張貼
