呇 (已結業)

本來打算約朋友出嚟吹下水，食泰菜，但係諗諗下下星期就去泰國，不如周圍去發掘吓其他嘢食好過。由於臨時轉陣，我地只可以喺同一棟大厦搵食，就係咁俾我地盲中中咁貢咗上呢間"呇"餐廳嘅環境可以話係一流，昏暗嘅燈光令場內獨有一種高級西餐嘅氣氛，同呢度嘅川菜形成強烈嘅對比；由於餐廳比較早收，所以老闆娘仲介紹我地食完上去佢地嘅天台酒吧度坐。同行嘅二人其實都唔係咁好辣，我地盡量都係揀D一隻辣椒嘅菜式，首先嚟嘅係棒棒雞同埋生菜包，我比較鐘意佢嘅生菜包，肉碎配大量蔬菜粒，煮得比較清爽，以前菜嚟講唔會令人有滯嘅感覺跟住就係回鍋牛肉，幾野味最後就係辣子雞同乾燒魚塊，辣子雞嘅雞肉略嫌份量太小，炒得夠乾身；我個人就覺得乾燒魚塊最好味，雖然辣咗啲，但係醬汁夠香，魚塊食得出係啱啱炸起，正!總括嚟講呢度嘅菜式算係幾有正宗嘅川菜風味(就算係一隻辣椒嘅辣度都唔少嘢)，再配搭西式嘅格調，營做出一種fusion嘅風格，嗜辣嘅朋友不妨一試。