一坐低，當然要叫章魚小丸子先啦~ 油， 蛋漿，有甜醬，沙律醬及紫菜粉一早已經放哂係枱。
之後再黎D餡料包括洋蔥丶紅蘿蔔丶章魚粒泡菜及木魚，全部切幼粒。
開始整啦，首先D落油，等佢滾就落滿蛋漿，約八成滿，再落配料，等佢煮一陣，就轉面再加蛋漿，將佢地煮成一個球體。雖然個製成品有Ｄ燶，不過加埋Ｄ調味料，我覺得個味都幾好～
叫左一個煙火腿卷，覺得有Ｄ乾，可能冇汁，又有舊芝士，咬落冇乜味咁。
仲叫左個冷麵，有好多泡菜，半隻蛋，D麵好煙韌，涼浸浸再加上泡菜嘅酸味，仲有片蘋果，好開胃好清新，好食，份量足夠２個人食。
章魚小丸子唔太難整，又幾好玩，好食又唔貴，其他食物亦唔差，值得一試。
