影片
更多
2023-03-05
67 瀏覽
📍屋子 🔎將軍澳唐俊街23號MONTEREY Place地下16號舖-----多次路過將軍澳都想試一試呢一間人氣coffee shop，尋日終於借住踩單車嘅藉口，過黎一完心願食咗個Lunch！.簡約嘅日風裝修、寬闊嘅座位、仲有窗邊嘅榻榻米，整間餐廳散發假日應有嘅休閒感。.佢哋午市有lunch set，亦都可以單叫。lunch set入邊有味噌湯、主食、前菜，同埋是日甜點，亦可以另外加錢要埋小食。#豚肉山藥泥沙拉冷麵（$105）#桂花烏龍茶（跟餐）#手羽餃子（+$48）滿滿嘅山藥泥細膩軟糯，令冷麵變得爽彈中帶有少許滑溜，口感更佳。半肥瘦豚肉係冷麵汁浸泡下，油膩感大減，整體調味唔重，係行健康路線嘅主食。而手羽餃子則是外脆內軟，飽滿多汁，配搭清甜解膩桂花烏龍茶著實不錯。#咖喱丼配吉烈豚扒（$98）#薯仔沙律（+$20）🐖豬扒外面嘅炸層香酥薄脆，無平日炸豬扒成日出現嘅炸粉太實而至嘅扎口情況。內層嘅豬肉柔嫩多汁，且富肉脂香氣，配搭輕盈嘅日式咖喱汁，高質。🥔而紅蘿蔔薯仔沙律亦是比叫嘅健康之選，粉綿粉綿的，入口帶有似食雪糕嘅冰凍口感。#焙茶麻糬舒芙蕾 $72一上檯就散發淡淡Hojicha嘅Souff
🔎將軍澳唐俊街23號MONTEREY Place地下16號舖
-----
多次路過將軍澳都想試一試呢一間人氣coffee shop，尋日終於借住踩單車嘅藉口，過黎一完心願食咗個Lunch！
.
簡約嘅日風裝修、寬闊嘅座位、仲有窗邊嘅榻榻米，整間餐廳散發假日應有嘅休閒感。
.
佢哋午市有lunch set，亦都可以單叫。lunch set入邊有味噌湯、主食、前菜，同埋是日甜點，亦可以另外加錢要埋小食。
#豚肉山藥泥沙拉冷麵（$105）
#桂花烏龍茶（跟餐）
#手羽餃子（+$48）
滿滿嘅山藥泥細膩軟糯，令冷麵變得爽彈中帶有少許滑溜，口感更佳。半肥瘦豚肉係冷麵汁浸泡下，油膩感大減，整體調味唔重，係行健康路線嘅主食。而手羽餃子則是外脆內軟，飽滿多汁，配搭清甜解膩桂花烏龍茶著實不錯。
#咖喱丼配吉烈豚扒（$98）
#薯仔沙律（+$20）
🐖豬扒外面嘅炸層香酥薄脆，無平日炸豬扒成日出現嘅炸粉太實而至嘅扎口情況。內層嘅豬肉柔嫩多汁，且富肉脂香氣，配搭輕盈嘅日式咖喱汁，高質。🥔而紅蘿蔔薯仔沙律亦是比叫嘅健康之選，粉綿粉綿的，入口帶有似食雪糕嘅冰凍口感。
#焙茶麻糬舒芙蕾 $72
一上檯就散發淡淡Hojicha嘅Soufflé，貌相令人一見傾心，食落係三層嘅口感，先實後軟，底部就係黏糯Mochi，熱辣辣Soufflé再配搭凍冰冰Hojicha雪糕，個人說不上很喜歡，但確是有趣。
除此之外，佢哋仲有好多特色飲品，例如黑芝麻拿鐵咖啡、🍓草莓拿鐵咖啡、🌸桂花拿鐵咖啡、🍵抹茶啦鐵咖啡等等，都值得一試。
張貼
