影片
更多
2010-07-18
164 瀏覽
2位長輩從港島遠道而來探訪我們一家和爺爺奶奶當然要好好請他們食返餐長輩食飯當然選中餐爺爺奶奶行得吃力所以近近地去一城盈暉裝修後盈暉光猛了...顯得貴麗堂皇但D檯仍然係擺得密密麻麻這大概是港式酒家既習慣吧..8個人要左6餸1湯, 湯是冬瓜盅, 炎炎夏日最好便是食冬瓜消暑. 侍應拎到黎, 咦? 冬瓜盅冇左冬瓜外殼既? 原來佢已經一早將冬瓜切好先燉湯. 湯料除左冬瓜, 重有蝦仔, 菇粒, 瘦肉, 蓮子, 蟹柳. 飲落都幾清,,相信冇落味精. 蝦仔當然唔多, 瘦肉長時間煲煮後理所當然地變得好乾, 好似唔太值成80大元.老人家鍾意撈飯,,點小菜時刻意選扯飯既餸. 首先有賽螃蟹, 炒蛋白加d瑤柱, 食落好滑但唔係因為佢炒得好, 火喉把握得好, 而係因為好油淋淋. 粟米班塊, 2老最愛, 爸爸本來想叫蒸魚, 之後都就下老人家要班塊. 不過D班塊好厚粉, 食落得D炸粉, 真係唔知有幾多魚既成份. 健康D百葉豆腐, 好似海棠豆腐切片版,, 個茨打得幾好,, 唔會太厚太"杰",, 又唔會太稀,, 入面有D蝦同帶子碎,, 真係幾扯飯..不過豆腐唔夠滑. 西蘭花腰果牛柳粒,, 老人家鍾意腰果夠香口,, 但個人
當然要好好請他們食返餐
長輩食飯當然選中餐
爺爺奶奶行得吃力
所以近近地去一城盈暉
裝修後盈暉光猛了...
顯得貴麗堂皇
但D檯仍然係擺得密密麻麻
這大概是港式酒家既習慣吧..
8個人要左6餸1湯, 湯是冬瓜盅, 炎炎夏日最好便是食冬瓜消暑. 侍應拎到黎, 咦? 冬瓜盅冇左冬瓜外殼既? 原來佢已經一早將冬瓜切好先燉湯. 湯料除左冬瓜, 重有蝦仔, 菇粒, 瘦肉, 蓮子, 蟹柳. 飲落都幾清,,相信冇落味精. 蝦仔當然唔多, 瘦肉長時間煲煮後理所當然地變得好乾, 好似唔太值成80大元.
老人家鍾意撈飯,,點小菜時刻意選扯飯既餸. 首先有賽螃蟹, 炒蛋白加d瑤柱, 食落好滑但唔係因為佢炒得好, 火喉把握得好, 而係因為好油淋淋. 粟米班塊, 2老最愛, 爸爸本來想叫蒸魚, 之後都就下老人家要班塊. 不過D班塊好厚粉, 食落得D炸粉, 真係唔知有幾多魚既成份. 健康D百葉豆腐, 好似海棠豆腐切片版,, 個茨打得幾好,, 唔會太厚太"杰",, 又唔會太稀,, 入面有D蝦同帶子碎,, 真係幾扯飯..不過豆腐唔夠滑. 西蘭花腰果牛柳粒,, 老人家鍾意腰果夠香口,, 但個人認為佢D腰果有部分好似淋左,, 食到有D un 既感覺, 好似係走油後keep得唔好咁. 牛柳粒幾好, 食落覺得D肉幾瘦, 但唔un, 老人家都好易chew. 西蘭花正正常常, 唔會太硬.
肉方面要左乳香骨, 好香口, 但好熱氣, 食唔到好多夠. 佢骨偏多, 肉偏少, 幾多好硬既軟骨, 老人家同小朋友食得麻煩D . 豉油皇乳鴿, 等左好耐, 但原來好戲在後頭. 乳鴿好入味, 只食肉唔食皮都食到好大陣豉油味. 肉好嫩滑, 又唔會好肥, 好味!
飯後甜點奉送芝麻糊紅豆沙, 2樣都正常偏好水平, 甜度適中, 紅豆沙有起沙, 芝麻糊大概因為是開粉的, 有D搞唔匀. 紅豆沙較好.
偶爾出街食中菜都可以試下佢既
張貼
