影片
更多
2019-09-20
392 瀏覽
日本人氣梳乎厘pancake登陸香港，趁今日新開張特登去試試，但係個經歷實在太令人失望😞九點左右去到，環境都幾精緻既，而且人唔多，我哋大概係第四檯。坐低點咗佢招牌ricotta cheese pancake，同埋兩杯咖啡。嗰陣店員話個pancake要等20分鐘，但其實20分鐘後連咖啡都剩係上左一杯，第二杯要催催先整。嗰陣心諗人都唔多，咁快就漏單...最後再等20分鐘pancake先到，但見到個樣真係好失望！三層pancake一啲都唔平均，望落去好似放左係度好耐咁。食落去其實仲失望..味道真係麻麻，對比Happy pancake同其他專門店，佢嘅蛋香味一啲都唔突出，而且質感係淋既，一啲都唔「梳乎厘」。食到最底嗰層仲要未熟，食到啲粉漿🤢同店員講聲，不過佢只係話會同廚房反映翻，之後就無左件事，連道歉都無。走嘅時候，埋單都埋左好耐。記得上網見到話頭300位客人會有tote bag送，咁我地好奇就問下，店員竟然話今朝已經派左20個，要等聽日先派100個。其實都唔係特別想要個袋，不過推廣左又唔實行就真係唔知講乜好。果陣已經失望到無心機同佢講，就走左。總括黎講，pancake嘅質素真係好一般，同埋店
九點左右去到，環境都幾精緻既，而且人唔多，我哋大概係第四檯。
坐低點咗佢招牌ricotta cheese pancake，同埋兩杯咖啡。嗰陣店員話個pancake要等20分鐘，但其實20分鐘後連咖啡都剩係上左一杯，第二杯要催催先整。嗰陣心諗人都唔多，咁快就漏單...
最後再等20分鐘pancake先到，但見到個樣真係好失望！三層pancake一啲都唔平均，望落去好似放左係度好耐咁。食落去其實仲失望..味道真係麻麻，對比Happy pancake同其他專門店，佢嘅蛋香味一啲都唔突出，而且質感係淋既，一啲都唔「梳乎厘」。
Ricotta cheese
74 瀏覽
1 讚好
0 留言
食到最底嗰層仲要未熟，食到啲粉漿🤢同店員講聲，不過佢只係話會同廚房反映翻，之後就無左件事，連道歉都無。
走嘅時候，埋單都埋左好耐。
記得上網見到話頭300位客人會有tote bag送，咁我地好奇就問下，店員竟然話今朝已經派左20個，要等聽日先派100個。其實都唔係特別想要個袋，不過推廣左又唔實行就真係唔知講乜好。果陣已經失望到無心機同佢講，就走左。
總括黎講，pancake嘅質素真係好一般，同埋店員嘅服務真係好慢。真係去一次朝吓聖就夠，唔會再返去。
張貼
