中村藤吉香港店 (已結業)

話說其實中村藤吉黎到香港開分店，身為抹茶是迷就當然係好開心，但我一次都未食過，哈哈。見到張飛派到百幾位之後，都無乜耐性等候，加上係日本本店食過，就無咁大期待。可幸嘅係，早前中村藤吉關門搬遷嘅時候，再係街舖開左一間外賣店，雖然有時都係有一條小人龍，但要食雪糕就方便得多喇。兩種茶味都懷念，選擇左雙拼版本，一啖抹茶，再一啖焙茶，香味依然。中村藤吉嘅雪糕口感比較似沙冰，牛奶味較少。紅豆蓉同白玉都煮得好冧好香甜。炎炎夏日，食一杯雪糕實在特別醒神。