酒池肉林 (已結業)

可能睇左好多其他食家既食評, 期望太高~~ 我食過之後覺得係合格囉...頭盤既鵝肝同青口都幾好,d青口係baby, 都幾甜, 但個汁唔夠濃, "side"晒~~~餐前既麵包亦都份量足同好軟,好好味...南瓜湯唔會太"漏",都幾好!...main course就ok啦...唔係唔好食,又唔係特別好食...係算好食囉...個青檸雪榚配mint好好食...最差係個甜品:梳乎里&焦糖燉蛋!!完全唔夠滑~~果度個環境又係幾別緻既,睇得出係花過心思,別出心裁~但又係冇想像中咁靚囉!佢古典得黎d擺設好似有d舊舊地咁既感覺...露台同廁所最靚~~房入面麻麻地......又係冇website影得咁靚囉...其實食物都係一般既好食,係d高級少少既餐廳都可以食到咁既水準! 佢係勝在有房可以俾情侶浪漫一番之餘又有d新鮮感!三五知已又得~ 但太多人就唔太suggest囉...因為下下個個問人揀menu,又要未食就俾定一半錢先,唔係個個人接受到囉~~如果多人既時候咪做多好多工夫??其實都有d貴呀,我覺得免收加一會合理d!!可能我唔覺得佢俾左d好好既服務我啦......但起碼唔係差先囉...