影片
更多
2020-02-19
2065 瀏覽
前排食咗個劣食燒肉放題之後諗起燒肉放題都怕怕，同先生吐完苦水，佢反而覺得一分錢一分貨，勸我便宜莫貪，仲乘勝追擊提議嚟呢間佢之前食過嘅燒肉店。餐廳地方寬敞，為咗避開人潮我哋好早就嚟到，侍應好好人安排咗四人卡位俾我哋，好有私人空間。一坐低侍應就建議我哋先去自助區拎飲品，門口嘅右手邊就係自助區域，有各式各樣嘅飲品，連日式清酒同梅酒都有，真係落重本。同酒類冇興趣嘅話，雪櫃仲有各式汽水飲品，排列整齊，俾人感覺好企理。雪糕嘅種類都好多，除咗我哋最愛嘅Mövenpick同Häagen-Dazs之外，仲有各式日韓雪條同雪糕三文治，超驚喜！首先上枱嘅係刺身拼盤，有甜蝦、三文魚、海膽、油甘魚、帶子、海螺同象拔蚌，食材新鮮，而且除咗海膽同象拔蚌之外，其他刺身都可以Encore。海膽大大件而且非常新鮮，淨係賣相已經令人食指大動，味道鮮甜濃郁，質感細膩，用紫菜包住嚟食真係無得輸！食完刺身就到主角——和牛，侍應先奉上和牛拼盤，俾我哋試匀各種部位。和牛嘅質素唔錯，我最鍾意牛胸腹，色澤紅潤，油花均勻，口感軟嫩，最意想不到嘅係侍應主動幫我哋燒肉，仲邊燒邊介紹肉嘅種類，唔知係咪有錯覺，我哋都不約而同覺得佢燒得特別好食。食
餐廳地方寬敞，為咗避開人潮我哋好早就嚟到，侍應好好人安排咗四人卡位俾我哋，好有私人空間。
一坐低侍應就建議我哋先去自助區拎飲品，門口嘅右手邊就係自助區域，有各式各樣嘅飲品，連日式清酒同梅酒都有，真係落重本。
同酒類冇興趣嘅話，雪櫃仲有各式汽水飲品，排列整齊，俾人感覺好企理。
雪糕嘅種類都好多，除咗我哋最愛嘅Mövenpick同Häagen-Dazs之外，仲有各式日韓雪條同雪糕三文治，超驚喜！
首先上枱嘅係刺身拼盤，有甜蝦、三文魚、海膽、油甘魚、帶子、海螺同象拔蚌，食材新鮮，而且除咗海膽同象拔蚌之外，其他刺身都可以Encore。
海膽大大件而且非常新鮮，淨係賣相已經令人食指大動，味道鮮甜濃郁，質感細膩，用紫菜包住嚟食真係無得輸！
食完刺身就到主角——和牛，侍應先奉上和牛拼盤，俾我哋試匀各種部位。
和牛嘅質素唔錯，我最鍾意牛胸腹，色澤紅潤，油花均勻，口感軟嫩，最意想不到嘅係侍應主動幫我哋燒肉，仲邊燒邊介紹肉嘅種類，唔知係咪有錯覺，我哋都不約而同覺得佢燒得特別好食。
食放題最怕只有第一轉有高質食材，第二三轉越叫質素就越參差，呢度完全冇呢個問題，叫到第三轉，和牛同刺身嘅質素依然唔錯，值得嘉許。
除咗燒肉之外，當然唔少得海鮮，預定嘅海鮮拼盤有一夜干、生蠔、鮮蝦、帶子同海螺。一夜干係亮點，因為好少食燒肉有原條魚提供，燒嘅時候魚香撲鼻，入口肉質結實唔鬆散，幾有驚喜；另外生蠔亦非常新鮮，先生仲講笑話用嚟燒有啲浪費。
熟食質素同樣唔錯，特別係炸墨魚咀，外皮炸得酥脆，內裡爽口彈牙，加上少許椒鹽，零舍香口！
榴槤炸彈亦唔錯，外脆內軟，榴槤餡夠香濃，如果流心效果出啲就更好。
最後當然要食返杯Mövenpick嘅雪糕先走，仲有我最愛嘅楓糖合桃，香濃嘅楓糖漿配上香脆嘅合桃碎，食多兩杯都唔怕膩。餐廳嘅食物種類雖然唔算多，但質素唔錯，對得住價錢，畢竟一分錢一分貨，食完呢餐亦的確係挽救咗燒肉放題喺我心目中嘅形象。
張貼
