後尾我發現原來灣仔都新開左間差唔多嘅雪條店, 價錢仲差唔多平一半! 十零廿蚊有交易!
即刻覺得成件事好抵! 就算d人話呢間冇銅鑼灣果間咁好食, 依然阻止唔到我去試嘅決心!
(不過我去當日呢間店已經加晒價, 依家d雪條要廿零三十蚊)
最愛芝士嘅我一心去試creamy mix cheese
呢日放工去到見到有幾隻味已經賣晒, 好彩我想試嘅creamy mix cheese都仲有,
俾錢後無耐, 店員就係幅牆嘅一個神秘洞口果度拎左支雪條出嚟,
食雪條最怕溶得快, 滴到成身都係, 呢間都有個杯俾你裝住嚟食, 都算貼心
根據官網介紹, creamy mix cheese中文叫濃滑忌廉芝士
成份有牛奶，忌廉芝士,鮮忌廉，脫脂奶，蜜糖，多種水果粒
我之前睇過其他食評話雪條入面食到芝士粒, 又話d生果浸過蜜糖好甜,
但我一d都食唔出囉..............................
雪條好淡好冰, 冇芝士味, 更加唔好話咩芝士粒
入面d生果見到好似有奇異果同蘋果, 唔甜都算....苦嘅?
唔通放左西柚? 成件事好唔夾囉............
可能真係一分錢一分貨, 銅鑼灣果間我未食過, 但我諗d水準應該唔差
呢間雖然平d, 但要我俾$30食條唔好食嘅雪條, 我寧願俾$40食條真係好食嘅
因為冇芝士味, d生果又苦, 所以我真係冇辦法唔俾負評, 希望佢地之後會有改善啦!
